Pushpa Movie : క్రియేటివ్ డైరెక్టర్ సుకుమార్ దర్శకత్వంలో అల్లు అర్జున్ హీరోగా తెరకెక్కిన పాన్ ఇండియా చిత్రం పుష్ప. ఈ సినిమా గత ఏడాది డిసెంబర్ 17వ తేదీన విడుదల అయి బాక్సాఫీసు వద్ద అద్భుతమైన విజయాన్ని అందుకుంది. ఇక ఈ సినిమాలోని పాటలు ప్రతి ఒక్క ప్రేక్షకుడిని ఎంతగానో ఆకట్టుకుంటున్నాయి. ఈ క్రమంలోనే ఈ సినిమాలోని డైలాగులు, పాటలను ఎంతోమంది రీల్స్ చేసి ఆ వీడియోలను సోషల్ మీడియా వేదికగా అభిమానులతో పంచుకుంటున్నారు. ఇలా పుష్ప సినిమాకి సంబంధించి ఎన్నో వీడియోలు సోషల్ మీడియాలో వైరల్ గా మారుతున్నాయి.

ఇదిలా ఉండగా తాజాగా పుష్ప సినిమాలోని శ్రీవల్లి పాటకు ముంబై పోలీసులు ట్రెండ్ క్రియేట్ చేశారు. ఈ క్రమంలోనే ముంబై పోలీసులు అధికారిక సోషల్ మీడియా హ్యాండిల్స్ లో పుష్ప సినిమాలోని శ్రీవల్లి పాటకి బ్యాండ్ క్రియేట్ చేసి ఈ వీడియోని అధికారిక సోషల్ మీడియా ద్వారా షేర్ చేశారు. ఈ వీడియోలో పోలీస్ అధికారులు వివిధ రకాల సంగీత వాయిద్య పరికరాలను ఉపయోగించడం మనం చూడవచ్చు.
#KhakiStudio Rukhega Nahi!
We noticed Mumbaikars swaying to the tunes of ‘Srivalli’ and decided to join in!#MusicalMonday#MumbaiPoliceBand#Pushpahttps://t.co/MhFLOTgl84
— मुंबई पोलीस – Mumbai Police (@MumbaiPolice) March 14, 2022
ఇక ఈ వీడియోని ముంబై పోలీసులు షేర్ చేస్తూ.. ఖాకీ స్టూడియో రుఖేగా నహీ! ‘శ్రీవల్లి’ పాటకు ముంబై వాసులు అంతా ఊగిపోవడం గమనించాం.. అందులో మేమూ చేరాలని నిర్ణయించుకున్నాం! ” అని రాసుకొచ్చారు. మొత్తానికి ఈ సినిమా విడుదలై మూడు నెలలు అయినా పుష్ప క్రేజ్ మాత్రం తగ్గడం లేదనే చెప్పాలి. ఇక ఇది ఎంత కాలం కొనసాగుతుందో చూడాలి.