Poorna : కేరళ కుట్టి పూర్ణ తెలుగు సినిమా ఇండస్ట్రీలోకి అడుగుపెట్టిన సుమారుగా 12 సంవత్సరాలు అవుతోంది. ఈమె గత దశాబ్ద కాలం నుంచి ఎన్నో చిత్రాలలో నటించి నటిగా మంచి గుర్తింపు సంపాదించుకోవడమే కాకుండా బుల్లితెరపై పలు కార్యక్రమాలలో న్యాయనిర్ణేతగా వ్యవహరిస్తోంది. ఇదిలా ఉండగా ఈమె బోయపాటి శ్రీను, బాలకృష్ణ కాంబినేషన్‌లో తెరకెక్కిన అఖండ సినిమాలో నటించింది. ఈ సినిమా డిసెంబర్ 2వ తేదీన విడుదల కానుండడంతో ఈ సినిమా ప్రమోషన్ కార్యక్రమాల్లో భాగంగా ఈమె మీడియాతో ముచ్చటించింది.
ఈ సందర్భంగా పూర్ణ మాట్లాడుతూ.. ఇలాంటి పెద్ద సినిమాల్లో తనకు అవకాశం రావడం చాలా ఆనందంగా ఉందని తెలిపింది. నా లక్కీ నెంబర్ 5, 2021 ని కూడితే ఐదు వస్తుంది కనుక ఈ ఏడాది తనకు మంచి సినిమా అవకాశాలు వచ్చాయని ఈ సందర్భంగా ఆమె తెలిపింది. ఇక సెలబ్రిటీల విషయానికి వస్తే.. సెలబ్రిటీలు పబ్లిక్ ప్రాపర్టీ అని నా ఫీలింగ్.. అంటూ ఈమె చెప్పుకొచ్చింది.
ప్రజల వల్లే సెలబ్రిటీలం అవుతాము, ఈ క్రమంలోనే కొందరు పాజిటివ్ కామెంట్స్ చేస్తుంటారు, మరికొందరు నెగిటివ్ కామెంట్స్ చేస్తూ ఉంటారు. ఇలా నెగెటివ్ కామెంట్స్ చేయడం వల్ల నన్ను నేను ఎంతగానో మార్చుకున్నానని.. ఈ సందర్భంగా పూర్ణ వెల్లడించింది.
ఇక అఖండ సినిమా డిసెంబర్ 2వ తేదీ విడుదల కానుందని, ఈ సినిమాలో తన పాత్ర కూడా అంతే అద్భుతంగా ఉంటుందని, ఇలాంటి అద్భుతమైన అవకాశం ఇచ్చినందుకు దర్శక, నిర్మాతలకు ఆమె ప్రత్యేక కృతజ్ఞతలు తెలిపింది.
