OTT : ఈ వారం ఓటీటీల్లో అల‌రించ‌నున్న సినిమాలు, సిరీస్‌ల వివ‌రాలు..!

OTT : ఈ మ‌ధ్య కాలంలో ప్రేక్ష‌కులు థియేట‌ర్ల క‌న్నా ఓటీటీల్లోనే మూవీల‌ను చూసేందుకు ఎక్కువ‌గా ఇష్ట‌ప‌డుతున్నారు. అందుక‌నే ఓటీటీ యాప్‌లు సైతం వీలైనంత త్వ‌ర‌గా కొత్త మూవీల‌ను త‌మ త‌మ ప్లాట్‌ఫామ్‌ల‌పై ప్రేక్ష‌కుల‌కు అందుబాటులోకి తెచ్చేందుకు ప్ర‌య‌త్నిస్తున్నాయి. అందుక‌నే వారం మారే కొద్దీ కొత్త కొత్త మూవీలు ఓటీటీల్లో రిలీజ్ అవుతున్నాయి. ఇక ఈ వారం ఓటీటీల్లో సంద‌డి చేయ‌నున్న మూవీలు, సిరీస్‌లు ఏమిటో ఇప్పుడు తెలుసుకుందాం.

టాప్ గ‌న్ మావెరిక్ అనే హాలీవుడ్ చిత్రం ప్ర‌పంచ‌వ్యాప్తంగా ఇప్ప‌టి వ‌ర‌కు అత్య‌ధిక క‌లెక్ష‌న్ల‌ను సాధించిన మూవీగా రికార్డు సృష్టించింది. ఈ మూవీ ఇప్ప‌టివ‌ర‌కు ఏకంగా 1 బిలియ‌న్ డాల‌ర్ల గ్రాస్‌ను వ‌సూలు చేసింది. అయితే ఈ మూవీ ఓటీటీలో స్ట్రీమ్ అయ్యేందుకు సిద్ధ‌మ‌వుతోంది. ఈ మూవీని అమెజాన్ ప్రైమ్‌లో ఈ నెల 24వ తేదీన రిలీజ్ చేయ‌నున్నారు. అలాగే నెట్‌ఫ్లిక్స్ ఒరిజిన‌ల్ సిరీస్ అయిన ఢిల్లీ క్రైమ్ రెండో సీజ‌న్ ఈ నెల 26వ తేదీ నుంచి నెట్ ఫ్లిక్స్‌లో స్ట్రీమ్ కానుంది. ఈ సిరీస్ తొలి సీజ‌న్ హిట్ అయింది. అందుక‌నే రెండో సీజ‌న్‌ను రిలీజ్ చేస్తున్నారు.

ఇక హాలీవుడ్ సూప‌ర్ స్టార్ సిల్వెస్ట‌ర్ స్ట‌లోన్ న‌టించిన స‌మారిట‌న్ అనే ఇంగ్లిష్ మూవీ కూడా ఓటీటీలోకి వ‌స్తోంది. అమెజాన్ ప్రైమ్‌లో ఈ మూవీని ఈ నెల 26వ తేదీన రిలీజ్ చేయ‌నున్నారు. డిస్నీ ప్ల‌స్ హాట్ స్టార్‌లో ఈ నెల 25వ తేదీన రిపీట్ అనే సిరీస్‌ను స్ట్రీమ్ చేయ‌నున్నారు. డ్రామా జోన‌ర్‌లో తెర‌కెక్కిన ఈ సిరీస్‌లో న‌వీన్ చంద్ర న‌టించాడు.

రాచ‌స‌న్ అనే త‌మిళ మూవీకి రీమేక్‌గా రూపొందిన క‌ట్ పుట్లి అనే హిందీ మూవీని సెప్టెంబ‌ర్ 2వ తేదీన నేరుగా ఓటీటీలోనే రిలీజ్ చేయ‌నున్నారు. ఈ మూవీని థియేట‌ర్ల‌లో రిలీజ్ చేయ‌డం లేదు. ఇందులో అక్ష‌య్ కుమార్ ప్ర‌ధాన పాత్ర‌లో న‌టించాడు.