Niharika : మెగా డాటర్ నిహారిక బుల్లితెరపై యాంకర్ గా తన ప్రస్థానం మొదలుపెట్టి అనంతరం మెగా కాంపౌండ్ నుంచి వన్ అండ్ ఓన్లీ హీరోయిన్ గా ఎంట్రీ ఇచ్చింది. ఈ క్రమంలోనే నిహారిక పలు సినిమాలలో నటించినప్పటికీ పెద్దగా గుర్తింపు తెచ్చుకోలేక పోయింది.
వెండితెరపై విజయాన్ని సాధించలేని నిహారిక ఆ తర్వాత వెబ్ సిరీస్ లో నటిస్తూ విశేష ప్రేక్షకాదరణ దక్కించుకుంది. ఈ క్రమంలోనే ముద్దపప్పు ఆవకాయ, నాన్న కూచి వంటి వెబ్ సిరీస్ లలో నటించి మంచి గుర్తింపు తెచ్చుకుంది.
తాజాగా నిహారిక.. జీ5 నిర్మిస్తోన్న ఓ వెబ్ సిరీస్‌లో నటిస్తున్నట్లు తెలిసిందే. ఈ క్రమంలోనే నిహారిక ట్విట్టర్ వేదికగా ఆసక్తికరమైన పోస్ట్ చేస్తూ OCFS హ్యాష్‌ట్యాగ్‌ను పోస్ట్ చేసి దీని అర్థం ఏంటో చెప్పగలరా.. మాకైతే ఎక్స్‌పెక్టేషన్స్‌ పీక్స్ అంటూ.. చెప్పుకొచ్చింది.
ఈ క్రమంలోనే ఇది సినిమానా.. లేక వెబ్ సిరీసా అంటూ అందరూ సందేహాలు వ్యక్తం చేస్తున్నారు. అయితే నాగబాబు పుట్టినరోజు సందర్భంగా ఈ విషయాన్ని నిహారిక అధికారికంగా ప్రకటించనున్నట్లు తెలుస్తోంది.
