Hyper Aadi : ఇంకో నాలుగు రోజుల్లో దసరా సంబరాలు ప్రారంభం కాబోతున్నాయి. దసరా నవరాత్రుల సందర్భంగా ప్రేక్షకులను అలరించడానికి బుల్లితెరపై ప్రతి ఛానల్ లోనూ అనేక కార్యక్రమాలు ప్రత్యక్షమవుతూ ఉంటాయి. ఇటీవల ఈటీవీలో ప్రసారం కాబోతున్న దసరా ప్రత్యేక ఎపిసోడ్ కి సంబంధించిన ప్రోమో తాజాగా ప్రేక్షకుల ముందుకు వచ్చేసింది. ఆ ప్రోమోలో హైపర్ ఆది ఎప్పటి మాదిరిగానే తనదైన శైలిలో పంచ్ ల వర్షం కురిపిస్తూ ప్రేక్షకులని కడుపుబ్బా నవ్విస్తున్నాడు.
అదే మాదిరిగా ఈ ప్రోమోలో ఎప్పుడూ చేసినట్లుగానే ఇతరులపై అవమానకరమైన వ్యాఖ్యలను చేస్తూ అవతలి వారిని ఇబ్బంది పెడతాడు హైపర్ ఆది. ఆ పంచ్ లు వేయబోతున్నట్లుగా ముందే హైపర్ ఆది వాళ్లకు చెబుతాడట. అయినా కూడా హైపర్ ఆది స్టేజ్ పర్ఫామెన్స్ చేస్తుండగా వారు ఆ సమయంలో ఇబ్బంది పడ్డట్లుగా అనిపిస్తుంది. ఎంతో మంది సీనియర్ లను అవమానకరంగా వ్యాఖ్యలు చేసే హైపర్ ఆది తాజాగా సిరి హనుమంతుపై తనదైన శైలిలో వ్యంగ్యంగా కామెడీ పంచ్ లు వేశాడు.

బిగ్ బాస్ హౌస్ లో ఒక షన్నూ కి మాత్రమే నువ్వు ఫన్ ఇచ్చావు కానీ ప్రేక్షకులకు ఇవ్వలేదు అన్నట్లుగా హైపర్ ఆది సిరిని కామెంట్ చేశాడు. ఆ సమయంలో సిరి కాస్త ఇబ్బంది పడ్డట్లుగా అనిపించింది. బిగ్ బాస్ లో ఉన్న సమయంలో సిరి మరియు షణ్ముఖ్ జస్వంత్ బాగా దగ్గరయ్యారు. వారిద్దరి మధ్య ఉన్న రిలేషన్ గురించి ఎంతో మంది ఎన్నో రకాలుగా మాట్లాడుకున్నారు. కేవలం ఆ రిలేషన్ వల్లే షణ్ముఖ్ జస్వంత్ కి బిగ్ బాస్ ట్రోఫీ మిస్ అయ్యింది అనడంలో సందేహమే లేదు. బిగ్ బాస్ షో నుంచి బయటకు వచ్చిన తర్వాత ఇద్దరి గురించి ఏ విషయం బయటకు రాలేదు. కేవలం హౌస్ లో వారిద్దరు రేటింగ్ కోసమే అలా నటించారు అనేది చాలా మంది నమ్మకం.
గడిచిపోయిన కొన్ని చేదు సంఘటనలను మళ్లీ మళ్లీ గుర్తు చేసుకోకుండా ఉంటేనే మంచిది. ఇప్పుడు సిరితో ఆ విషయం గురించి మాట్లాడితే ఆమె కచ్చితంగా ఫీల్ అవుతుంది. కానీ హైపర్ ఆది ఏమాత్రం మొహమాటం లేకుండా పిచ్చి కూతలు కూస్తూ ఇష్టానుసారంగా కామెడీ పేరుతో అవతలి వారిని విమర్శిస్తూనే ఉన్నాడు. ఆది ఇలా ఇతరులపై ఈవిధంగా వ్యాఖ్యలు చేస్తూ కామెడీ క్రియేట్ చేయడాన్ని చాలామంది తప్పు పడుతున్నారు. హైపర్ ఆది ఈ విషయాలేమీ పట్టించుకోకుండా తన దైన శైలిలో వ్యంగ్యంగా కామెడీని క్రియేట్ చేస్తూ షోకి వచ్చిన వారిని ఇబ్బంది పెడుతున్నాడు. ఆది కొత్త రకం కామెడీ.. ఎన్నాళ్ళు నవ్వు తెప్పిస్తుందో తెలియదు కానీ, చూసే ప్రేక్షకులకు మాత్రం చిరాకు తెప్పించడం మొదలైంది.