Kamal Haasan : కరోనా మహమ్మారి ప్ర‌కంప‌నలు పుట్టిస్తూనే ఉంది. ఎంత జాగ్ర‌త్త‌లు తీసుకున్నా కూడా ఏదో ఒక సంద‌ర్భంలో ఈ వైర‌స్ సామాన్యుల‌తోపాటు సెల‌బ్రిటీల‌ని సైతం ముప్పుతిప్ప‌లు పెడుతోం. తాజాగా లోకనాయకుడు కమల్ హాసన్ కరోనా బారిన పడ్డారు. ఈ వార్త కమల్ అభిమానులని కలవరపెడుతోంది. కమల్ కొన్ని రోజుల క్రితం సొంత క్లాత్ బ్రాండ్ ప్రారంభోత్సవానికి యూఎస్ వెళ్లారు. అక్క‌డ నుండి వచ్చాక అనారోగ్యం బారిన పడ్డారు కమల్.
‘కరోనా మహమ్మారి ఇంకా మన మధ్యే ఉందని, దాంతో జాగ్రత్తగా ఉండాల’ని కమల్ హాసన్ సూచించారు. సోమవారం మధ్యాహ్యం కమల్ హాసన్ తాను హస్పిటల్ లో చికిత్స తీసుకుంటున్న విషయాన్ని స్వయంగా ట్వీట్ చేశారు. ‘యూఎస్ ట్రిప్ నుండి తిరిగి వచ్చాక కాస్తంత దగ్గు వచ్చిందని, పరీక్షలు నిర్వహించగా ఇన్ ఫెక్షన్ ఉందని వైద్యులు నిర్థారించారని అన్నారు. కోవిడ్ కారణంగా ప్రస్తుతం హాస్పిటల్ లో ఐసొలేషన్ లో ఉన్నట్టు కమల్ హాసన్ ఒక ప్రకటనలో తెలిపారు.
ప్రస్తుతం చెన్నైలోని ఓ ప్రయివేట్ ఆసుపత్రిలో క‌మ‌ల్‌కి చికిత్స కొనసాగుతోంది. కమల్ కి కరోనా సోకడంతో కొంత కాలం ఆయన ఐసోలేషన్ లో ఉండాలి. ప్రస్తుతం తమిళంలో బిగ్ బాస్ సీజన్ 5 కొనసాగుతోంది. ఈ పరిస్థితుల్లో బిగ్ బాస్ తమిళ్ 5 కి ఎవరు టెంపరరీ హోస్ట్ గా వ్యవహరిస్తారు అనే ప్రశ్న తలెత్తుతోంది. మ‌రోవైపు కమల్ హాసన్.. లోకేష్ కనకరాజ్ దర్శకత్వంలో విక్రమ్ అనే చిత్రంలో నటిస్తున్నారు. వచ్చే ఏడాది ఈ చిత్రం ప్రేక్షకుల ముందుకు రానుంది. ఇటీవ‌ల ఈ చిత్ర టీజ‌ర్ విడుద‌ల కాగా ఇది అభిమానుల ఆనందాన్ని రెట్టింపు చేసింది.
