IPL : బెంగ‌ళూరులో గ‌త రెండు రోజులుగా కొన‌సాగిన ఐపీఎల్ 2022 మెగావేలం ఎట్ట‌కేల‌కు ముగిసింది. ఈ క్ర‌మంలోనే ఫ్రాంచైజీలు అన్నీ పోటీలు ప‌డి మ‌రీ ప్లేయ‌ర్ల‌ను కొనుగోలు చేశాయి. వచ్చే సీజ‌న్‌లో త‌మ స‌త్తా చాటేందుకు ప్లేయ‌ర్ల‌ను సిద్ధం చేసుకున్నాయి. ఇక ఈసారి చెన్నై టీమ్ అంద‌రినీ షాక్‌కు గురి చేసింది. ఆ జ‌ట్టులోని కీల‌క ఆట‌గాడైన సురేష్ రైనాను టీమ్ మ‌ళ్లీ కొనుగోలు చేయ‌లేదు. దీంతో చెన్నై ఫ్యాన్స్ తీవ్ర ఆగ్ర‌హం వ్య‌క్తం చేస్తున్నారు. తాము చిన్న త‌ల‌గా పిలుచుకునే సురేష్ రైనాను చెన్నై టీమ్ కొనుగోలు చేయ‌క‌పోవ‌డంతో వారు మండిప‌డుతున్నారు.
IPL
చెన్నై టీమ్ ఈసారి ర‌వీంద్ర జ‌డేజా, ధోనీ, మొయిన్ అలీ, రుతురాజ్ గైక్వాడ్‌ల‌ను రిటెయిన్ చేసుకుంది. దీంతో మిగిలిన ప్లేయ‌ర్లు అందరూ వేలంలో నిలిచారు. వారిలో సురేష్ రైనా కూడా ఉన్నాడు. అయితే దీప‌క్ చాహ‌ర్‌, బ్రేవో, అంబ‌టి రాయుడు, ఎన్‌.జ‌గ‌దీశ‌న్‌, కేఎం ఆసిఫ్‌, మిచెల్ శాంట్‌న‌ర్ వంటి పాత ఆట‌గాళ్ల‌ను చెన్నై తిరిగి కొనుగోలు చేసి టీమ్‌లోకి తీసుకుంది. దీంతో మ‌ళ్లీ పాత ప్లేయ‌ర్లు అందరూ టీమ్‌లోకి వ‌చ్చేశారు. అయితే సురేష్ రైనాను మాత్రం జ‌ట్టు యాజ‌మాన్యం కొనుగోలు చేయ‌లేదు. దీంతో అందరూ ఒక్క‌సారిగా షాక్ తిన్నారు.
వాస్త‌వానికి 2020 ఐపీఎల్ సీజ‌న్‌లో దుబాయ్‌లో నిర్వ‌హించిన‌ప్పుడు సురేష్ రైనా టోర్నీ ఆరంభంలోనే వెనుదిరిగాడు. త‌న‌కు కుటుంబ స‌మ‌స్య‌లు ఉన్నాయ‌ని, అందుక‌నే తాను టోర్నీ నుంచి త‌ప్పుకున్నాన‌ని రైనా అప్ప‌ట్లో వెల్ల‌డించాడు. కానీ కార‌ణం అది కాద‌ని.. అత‌నికి హోటల్ గ‌ది న‌చ్చ‌కే టోర్నీ నుంచి త‌ప్పుకుని వెళ్లిపోయాడ‌ని వార్త‌లు వ‌చ్చాయి. వాటిని జ‌ట్టు యాజ‌మాన్యం, రైనా ఖండించ‌లేదు. అయితే అది ముగిసిన అధ్యాయం. గ‌తేడాది మ‌ళ్లీ చెన్నై టీమ్‌లో ఆడిన రైనా రెచ్చిపోయాడు. ఈ క్ర‌మంలోనే చెన్నై మ‌ళ్లీ ఐపీఎల్ ట్రోఫీని లిఫ్ట్ చేసింది.
ఇక గ‌తంలోనూ అనేక మ్యాచ్‌ల‌లో చెన్నై త‌ర‌ఫున ఆడిన రైనా జ‌ట్టుకు అనేక సార్లు కీల‌క విజ‌యాల‌ను అందించాడు. అయితే రైనా చేసిన సేవ‌ల‌ను మ‌రిచిపోయిన చెన్నై యాజ‌మాన్యం కావాల‌నే అత‌న్ని జట్టులోకి తీసుకోలేద‌ని, ఇది త‌మ‌ను తీవ్రంగా క‌ల‌చివేస్తుంద‌ని, రైనాను తీసుకోనందుకు నిర‌స‌న‌గా చెన్నై జ‌ట్టుకు ఇక‌పై స‌పోర్ట్ చేయ‌బోమ‌ని.. ముంబైకి స‌పోర్ట్ అందిస్తామ‌ని.. ఫ్యాన్స్ బ‌హిరంగంగానే సోష‌ల్ మీడియాలో కామెంట్లు చేస్తున్నారు. మ‌రి ఈ విష‌యంలో చెన్నై ఏం చేస్తుందో చూడాలి.
మన శరీరంలో ఊపిరితిత్తులు ఎంత ముఖ్య‌మైన‌వో ప్ర‌త్యేకంగా చెప్ప‌న‌క్క‌ర్లేదు. ఊపిరితిత్తులు దెబ్బతింటే శ్వాస తీసుకోవడం చాలా కష్టమవడంతోపాటు అతి తక్కువ…
ఇటీవలి కాలంలో వీధికుక్కల బెడద మ‌రింత ఎక్కువైంది. పిల్లల నుంచి పెద్దల వరకు అందరూ రోడ్డుపై స్వేచ్ఛగా తిరిగేందుకు చాలా…
సాహో చిత్రంలో ప్ర‌భాస్ స‌ర‌స‌న కథానాయిక‌గా న‌టించి అల‌రించిన శ్ర‌ద్ధా క‌పూర్ రీసెంట్‌గా స్త్రీ2 అనే మూవీతో ప‌ల‌క‌రించింది. 2018లో…
ప్రముఖ కొరియోగ్రాఫర్ జానీ మాస్టర్ పెద్ద చిక్కుల్లో ప‌డ్డాడు. జానీ మాస్టర్ తనను లైంగికంగా వేధించాడని రాయదుర్గం పోలీసులకు మ‌హిళా…
ఏపీ డిప్యూటీ సీఎం ప‌వ‌న్ క‌ళ్యాన్ ఇటు రాజ‌కీయాలు, అటు సినిమాలు రెండింటిని బ్యాలెన్స్ చేస్తూ ముందుకు సాగుతున్నారు. అయితే…
హారర్ సినిమా ప్రేమికుల్లో 'డీమాంటీ కాలనీ' సినిమాకు సపరేట్ ఫ్యాన్ బేస్ ఉన్న విష‌యం తెలిసిందే. తమిళ సినిమాయే అయినప్పటికీ...…
ఒక్కోసారి ఎవ‌రిని ఎప్పుడు అదృష్టం ఎలా వ‌రిస్తుందో తెలియ‌దు. ఊహించ‌ని విధంగా ల‌క్షాధికారి అవుతుంటారు. తుగ్గలి మండలం సూర్యతాండాలో రైతుకూలీకి…
ఈ రోజుల్లో బంధాలు ఎక్కువ కాలం కొన‌సాగ‌డం లేదు. ల‌క్ష‌లు ఖ‌ర్చు పెట్టి ఎంతో అట్టహాసంగా పెళ్లి చేసుకుంటుండ‌గా,ఆ పెళ్లి…