Urine Color : మ‌న శరీరంలో ఎప్ప‌టిక‌ప్పుడు వ్య‌ర్థాలు ఉత్ప‌త్తి అవుతాయ‌న్న సంగ‌తి తెలిసిందే. అవి చెమ‌ట, మూత్రం, మ‌లం రూపంలో బ‌య‌ట‌కు పోతాయి. ఈ వ్య‌ర్థాలు ఎప్ప‌టిక‌ప్పుడు బ‌య‌ట‌కు వెళ్ల‌క‌పోతే మ‌న‌కు అనారోగ్య స‌మ‌స్య‌లు వ‌స్తాయి. వ్య‌ర్థాలు శరీరంలో పేరుకుపోయి శరీరం విష‌తుల్యంగా మారుతుంది. దీంతో మొద‌ట చెడిపోయేది కిడ్నీలే. త‌రువాత ఇత‌ర అవ‌య‌వాలు కూడా పాడైపోతాయి. దీంతో ప్ర‌మాద‌క‌రమైన ప‌రిస్థితులు ఏర్ప‌డుతాయి. క‌నుక శరీరంలో వ్య‌ర్థాలు ఎప్ప‌టిక‌ప్పుడు బ‌య‌ట‌కు వెళ్లేలా చూసుకోవాలి. అందుకు గాను ఆరోగ్య‌క‌ర‌మైన ఆహార‌పు అల‌వాట్లు, జీవ‌న విధానంను పాటించాలి.
అయితే మ‌న శరీరం విడుద‌ల చేసే వ్య‌ర్థాల్లో ఒక‌టైన మూత్రం ద్వారా మ‌నం ఎలాంటి స్థితిలో ఉన్నామో ఇట్టే తెలుసుకోవ‌చ్చు. మూత్రం వ‌చ్చే రంగును బ‌ట్టి మ‌న‌కు ఉన్న అనారోగ్య స‌మ‌స్య‌ల గురించి చెప్పేయ‌వ‌చ్చు. అది ఎలాగో ఇప్పుడు తెలుసుకుందాం. మూత్రం లేత ప‌సుపు రంగులో లేదా తెలుపు రంగులో వ‌స్తుంటే మీరు ఆరోగ్యంగా ఉన్న‌ట్లే లెక్క. లేత బంగారు రంగు, నారింజ రంగు, ముదురు నారింజ రంగుల‌లో మూత్రం వ‌స్తుంటే మీరు నీళ్ల‌ను స‌రిగ్గా తాగ‌డం లేద‌ని అర్థం. మీరు రోజుకు స‌రిప‌డిన‌న్ని నీళ్ల‌ను తాగితే మూత్రం ఇలా రాదు. దీంతో ఆరోగ్యంగా ఉంటారు.
ఇక మూత్రం లేత గోధుమ రంగులో వ‌స్తుంటే నీళ్ల‌ను ఇంకా ఎక్కువ‌గా తాగాల‌ని అర్థం. మూత్రం లేత ఎరుపు లేదా ఎరుపు రంగులో వ‌స్తుంటే మీ కిడ్నీలు చెడిపోయాయ‌ని అర్థం. మీ కిడ్నీల‌పై భారం బాగా ప‌డుతుంద‌ని అర్థం చేసుకోవాలి. లేదా ఏదైనా తీవ్ర‌మైన అనారోగ్య స‌మ‌స్య ఉన్న‌ట్లు అనుమానించాలి. ఏమాత్రం ఆల‌స్యం చేయ‌కుండా వెంట‌నే డాక్ట‌ర్‌ను క‌లిసి ప‌రీక్ష‌లు చేయించుకోవాలి. ఏదైనా స‌మ‌స్య ఉన్న‌ట్లు తేలితే డాక్ట‌ర్ సూచ‌న మేర‌కు చికిత్స తీసుకోవాలి. దీంతో కిడ్నీల‌ను కాపాడుకోవ‌చ్చు. ప్రాణాంత‌క ప‌రిస్థితులు ఏర్ప‌డ‌కుండా ఉంటాయి. ఈ విధంగా మూత్రం రంగును బ‌ట్టి ముందుగానే స్పందిస్తే ఎలాంటి తీవ్ర‌మైన అనారోగ్య స‌మ‌స్య కూడా రాకుండా ముందుగానే జాగ్ర‌త్త ప‌డ‌వ‌చ్చు. దీని వ‌ల్ల ఆరోగ్యంగా ఉంటారు.
