Poonam Kaur : అక్టోబర్ 10వ తేదీన జరగబోయే మూవీ ఆర్టిస్ట్ అసోసియేషన్ ఎన్నికలు రాజకీయ ఎన్నికలను తలపిస్తున్నాయి. ఈ అధ్యక్ష పదవి కోసం పోటీ చేసే అభ్యర్థులు నువ్వానేనా అన్నట్టు ఒకరిపై ఒకరు విమర్శలు చేసుకుంటూ తీవ్రస్థాయిలో పోటీకి దిగారు. నామినేషన్ ప్రక్రియ పూర్తయిన తర్వాత మంచు విష్ణు, ప్రకాష్ రాజ్ ప్యానల్ మెంబర్స్ మధ్య మాటల యుద్ధం కొనసాగుతోంది.
ఇలాంటి సమయంలోనే జనరల్ సెక్రటరీ పదవికి పోటీ చేస్తున్న బండ్ల గణేష్ తన నామినేషన్ ను ఉపసంహరించుకున్నారు. ఇలా ఎంతో ఉత్కంఠభరితంగా కొనసాగుతున్న ఎన్నికలలోకి సంచలన బ్యూటీ పూనమ్ కౌర్ ఎంటర్ అయి తనదైన శైలిలో ట్వీట్ చేస్తూ.. తాను ఈ ఎన్నికలలో ప్రకాష్ రాజ్ కు మద్దతు తెలుపుతున్నట్లు తెలియజేసింది.
Want #prakashraj sir to win #maaelections , if he does I will put up the issues I have faced and kept quiet for the longest time , he is the only one who is apolitical and doesn’t get involved in petty politics ,with all due respect to elders will adhere to what they say .Jaihind pic.twitter.com/1lwJDwlLfs
— पूनम कौर ❤️ poonam kaur (@poonamkaurlal) October 1, 2021
ఈ సందర్భంగా ఆమె ట్వీట్ చేస్తూ.. అందరి మాదిరి ప్రకాష్ రాజ్ చిల్లర రాజకీయాలు చేయరు. ఆయన గెలిస్తే సమస్యలన్నింటినీ బయట పెడతాను. ఆయన గెలవాలి, నా పూర్తి మద్దతు ప్రకాష్ రాజ్ కి ఉంటుందని ఈ సందర్భంగా ఆయనతో కలిసి దిగిన ఫోటోను షేర్ చేస్తూ ట్వీట్ చేసింది. ప్రస్తుతం ఈ ట్వీట్ సోషల్ మీడియాలో వైరల్ అయింది.