Gangubai : ప్ర‌ముఖ ద‌ర్శ‌కుడు సంజ‌య్ లీలా భ‌న్సాలి తెర‌కెక్కించిన తాజా చిత్రం.. గంగూబాయి క‌తియ‌వాడి. ఈ సినిమా ఎప్పుడో విడుద‌ల కావ‌ల్సి ఉంది. కానీ క‌రోనా కార‌ణంగా వాయిదా ప‌డింది. అయితే ఎట్ట‌కేల‌కు ఈ మూవీ థియేట‌ర్ల‌లో ప్రేక్ష‌కుల ముందుకు రానుంది.
ఆలియా భ‌ట్ ప్ర‌ధాన పాత్ర‌లో తెర‌కెక్కిన గంగూబాయి మూవీలో అజ‌య్ దేవ‌గ‌న్ కీలకపాత్రలో న‌టించారు. ఈ మూవీని ఫిబ్ర‌వ‌రి 25వ తేదీన విడుద‌ల చేయ‌నున్న‌ట్లు మేక‌ర్స్ ప్ర‌క‌టించారు.
సంజ‌య్ లీలా భ‌న్సాలి, డాక్ట‌ర్ జ‌యంతిలాల్ గ‌దాలు సంయుక్తంగా ఈ చిత్రాన్ని నిర్మించ‌గా.. దీన్ని ప్ర‌ఖ్యాత 72వ బెర్లిన్ ఇంట‌ర్నేష‌న‌ల్ ఫిలిం ఫెస్టివల్‌లోనూ ప్ర‌ద‌ర్శించ‌నున్నారు.
1960ల‌లో కామ‌టిపుర అనే ఏరియాలో అత్యంత శ‌క్తివంత‌మైన మ‌హిళ‌గా పేరుగాంచి గంగూబాయి అనే మ‌హిళ జీవితం ఆధారంగా గంగూబాయి క‌తియ‌వాడి మూవీని తెర‌కెక్కించారు. క్రైమ్ డ్రామా నేప‌థ్యంలో ఈ సినిమా సాగుతుంది. ఇందులో ఇమ్రాన్ హ‌ష్మి కూడా కీలకపాత్రలో న‌టించారు.
