Gangavva : మెగాస్టార్ చిరంజీవి తన సెకండ్ ఇన్నింగ్స్ ప్రారంభించిన తర్వాత వరుస సినిమా అవకాశాలను అందుకుంటూ తనదైన శైలిలో దూసుకుపోతున్నారు. ఈ క్రమంలోనే మెగాస్టార్ నటిస్తున్న ఆచార్య సినిమా షూటింగ్ పూర్తి చేసుకొని విడుదలకు సిద్ధంగా ఉంది. ప్రస్తుతం చిరంజీవి మలయాళంలో తెరకెక్కి అద్భుతమైన విజయాన్ని అందుకున్న లూసిఫర్ చిత్రాన్ని తెలుగులో గాడ్ ఫాదర్ గా నిర్మిస్తున్నారు. ఇందులో చిరంజీవి భిన్నమైన లుక్‌లో కనిపించనున్నారు.
ఈ సినిమా గురించి తాజా సమాచారం ప్రస్తుతం సోషల్ మీడియాలో చక్కర్లు కొడుతోంది. గాడ్ ఫాదర్ సినిమాలో చిరంజీవికి తల్లి పాత్రలో నటించే అవకాశం బిగ్ బాస్ కంటెస్టెంట్ అయిన గంగవ్వకు వచ్చినట్లు తెలుస్తోంది. మరి ఈ వార్తలో ఎంత వరకు నిజం ఉంది.. అనే విషయం తెలియాల్సి ఉంది.
మై విలేజ్ షో.. అనే యూట్యూబ్ ఛానల్ ద్వారా పరిచయమైన గంగవ్వ ఎన్నో వీడియోల ద్వారా ఎంతోమంది అభిమానులను దక్కించుకొని సెలబ్రిటీగా మారిపోయింది. ఈ క్రమంలోనే గంగవ్వకు ఉన్న క్రేజ్ చూసి బిగ్ బాస్ సీజన్ ఫోర్ కంటెస్టెంట్ గా నిర్వాహకులు ఆమెను ఎంపిక చేశారు. బిగ్ బాస్ ద్వారా మరింత పాపులారిటీని దక్కించుకున్న గంగవ్వ ఏకంగా వెండితెరపై నటించే అవకాశాన్ని దక్కించుకోవడం విశేషం. అయితే ఈ విషయాన్ని చిత్రబృందం అధికారికంగా ప్రకటించాల్సి ఉంది.
