బిగ్ బాస్ టెలివిజన్ రియాలీటి షో 2017 సంవత్సరంలో ప్రారంభమైనప్పటి నుంచి తెలుగు ప్రేక్షకులను అలరిస్తూ వస్తోంది. మొదటి సీజన్ 70 రోజుల పాటు జరగగా యంగ్ టైగర్ జూనియర్ ఎన్టీఆర్ హోస్ట్ గా చేశారు. ఫస్ట్ సీజన్ సూపర్ సక్సెస్ అవ్వడంతో వరుస సీజన్లతో వచ్చారు మేకర్స్. ప్రస్తుతం బిగ్ బాస్ తెలుగు సీజన్ 6 ప్రోమో విడుదలైంది.
సీజన్ 3 నుండి అక్కినేని నాగార్జున ఈ షో కి హోస్ట్ గా వ్యవహరిస్తున్నారు. సీజన్ 6కి కూడా ఆయనే హోస్ట్గా కొనసాగనున్నారు. ఈ సీజన్ బిగ్ బాస్ లోగోలో ఉన్న కన్ను మరింత ఆకర్షణీయంగా ఉంది. స్టార్ మాలో త్వరలో సీజన్ ఆఫ్ ఎంటర్టైన్మెంట్ ప్రారంభమవుతుందని.. స్టార్ మా కొత్త బిగ్ బాస్ లోగోకు క్యాప్షన్ ఇచ్చింది.
అయితే.. కింగ్ నాగార్జున ప్రతి సంవత్సరం తన సినిమాల కంటే బిగ్ బాస్ తోనే ఎక్కువ ఆదరణ పొందుతున్నారు. మీరు ఒకటి గమనించారా.. ప్రతి సంవత్సరం తన సినిమా విడుదల దగ్గర పడుతున్నప్పుడు, బిగ్ బాస్ షో కూడా వస్తోంది. ఇది నిజానికి సీనియర్ హీరో తనను తాను ప్రమోట్ చేసుకోవడానికి సహాయపడుతోంది. ఈసారి ఆయన ది ఘోస్ట్ సినిమాతో రావడానికి సిద్ధంగా ఉన్నారు. ఈ క్రమంలోనే బిగ్ బాస్ 6 టెలికాస్ట్ అవడానికి సిద్ధంగా ఉంది.
ఈసారి నాగార్జున ప్రోమోలో ప్రేక్షకుల మానసిక స్థితిని సరిగ్గా వివరించారు. పెళ్లి తర్వాత వధువును పంపడానికి కుటుంబం మొత్తం నిరాకరిస్తుంది, కానీ బిగ్ బాస్ సంగీతం విన్న తర్వాత, వారు ఆమెను ఒంటరిగా వేదికలో వదిలేసి వెళ్తారు.
లైఫ్ లో ఏ మూమెంట్ అయినా.. బిగ్ బాస్ తర్వాతే.. అంటూ నాగార్జున దానిని సారాంశంగా చెప్పారు. చాలామంది ప్రేక్షకులు కూడా అలాగే ఉన్నారు. అందుకే బిగ్ బాస్ రికార్డ్ స్థాయిలో టీఆర్పీ ని సొంతం చేసుకుంటోంది. ఇప్పుడు ఈ షో ప్రోమో విడుదలవడంతో అంతా ఎపిసోడ్స్ కోసం వెయిట్ చేస్తున్నారు.