Amala Paul : కరోనా నేపథ్యంలో అంతర్జాతీయ సరిహద్దులకు లాక్ పడిన కారణంగా చాలా మంది సెలబ్రిటీలు మాల్దీవులకు వెళ్తున్నారు. అయితే ఇప్పుడు కోవిడ్ ప్రభావం అంతగా లేదు. దీంతో ఎక్కడికంటే అక్కడికి వెళ్లి ఎంజాయ్ చేస్తున్నారు. గత ఏడాదిన్నర కాలంగా సినీ పరిశ్రమ ఎంతో ఒత్తిడికి గురైంది. నటీనటులు కూడా తమ సినిమాలు ఏమవుతాయోనని దిగులు చెందారు.
అయితే ఇప్పుడు నెమ్మదిగా పరిస్థితులు చక్కబడుతుండడంతో.. తమపై ఉన్న ఒత్తిడిని అంతా తొలగించుకునే ప్రయత్నం చేస్తున్నారు. అందులో భాగంగానే తారలు సమయం దొరికినప్పుడల్లా ఎంజాయ్ చేయడమే పనిగా పెట్టుకున్నారు. ఈ క్రమంలోనే మాలీవుడ్ క్వీన్ అమలాపాల్ కూడా గోవాలో తెగ రచ్చ చేస్తోంది. తాజాగా ఆమె షేర్ చేసిన ఫొటోలను బట్టి చూస్తే.. పచ్చని ప్రకృతిలో సూర్య కిరణాల అందాలను ఆస్వాదిస్తూ.. మద్యం సేవిస్తుండడాన్ని గమనించవచ్చు.
ఇక అమలాపాల్ సినిమాల విషయానికి వస్తే ప్రస్తుతం ఆమె చేతిలో రెండు తమిళ సినిమాలు ఉన్నాయి. కాడవర్, అదో అంధ పరవై పోలా అనే మూవీలను ఆమె చేస్తోంది. అలాగే ఆడుజీవితం అనే మరో మళయాళం సినిమాలోనూ నటించింది. ఇవన్నీ ఎప్పటి నుంచో విడుదలకు సిద్ధంగా ఉన్నాయి.