Adivi Sesh : ఇప్ప‌టి వ‌ర‌కు ఎందుకు పెళ్లి చేసుకోలేదో చెప్పిన అడివి శేష్‌..!

Adivi Sesh : ప్ర‌స్తుత త‌రుణంలో అనేక సినిమా ఇండ‌స్ట్రీల‌లో పెళ్లి కావ‌ల్సిన హీరోలు చాలా మందే ఉన్నారు. ఓ వైపు కొంద‌రు హీరోయిన్లు పెళ్లిళ్లు చేసుకుంట‌న్న‌ప్ప‌టికీ ఇండ‌స్ట్రీకి ఎప్పుడో వ‌చ్చి కూడా ఇంకా పెళ్లి కాని హీరోలు చాలా మందే ఉన్నారు. అలాంటి వారు టాలీవుడ్‌లోనూ ఉన్నారు. ఆ జాబితాలో న‌టుడు అడివి శేష్ ఒక‌రు. ఈయ‌న ఇండ‌స్ట్రీకి వ‌చ్చి చాలా కాల‌మే అయింది. న‌టుడిగా, హీరోగా త‌న‌కంటూ ఓ ప్ర‌త్యేక గుర్తింపును కూడా చాటుకున్నారు. ఈయ‌న న‌టిస్తున్న సినిమాలు అన్నీ హిట్ అవుతున్నాయి. ఈ క్ర‌మంలోనే తాజాగా మేజ‌ర్ పేరిట అడివి శేష్ మ‌రోమారు ప్రేక్ష‌కుల ముందుకు వ‌చ్చాడు.

జూన్ 3వ తేదీన విడుద‌లైన అడివి శేష్ మేజ‌ర్ చిత్రం బాక్సాఫీస్ వ‌ద్ద ఘ‌న విజ‌యం సాధించింది. శేష్ కెరీర్‌లోనే అత్య‌ధిక క‌లెక్ష‌న్ల‌ను వ‌సూలు చేసిన చిత్రంగా మేజ‌ర్ నిలిచింది. ఈ మూవీ ఇప్ప‌టి వ‌ర‌కు మొత్తం రూ.60 కోట్ల గ్రాస్‌ను క‌లెక్ట్ చేసి దూసుకుపోతోంది. ఈ క్ర‌మంలోనే చిత్ర యూనిట్ స‌క్సెస్ మీట్‌ల‌ను నిర్వ‌హిస్తూ వ‌స్తోంది. వాటిల్లో పాల్గొంటున్న అడివి శేష్ ప‌లు కీల‌క విష‌యాల‌ను పంచుకుంటున్నాడు. ఇక త‌న పెళ్లి విష‌య‌మై అడిగిన ప్ర‌శ్న‌ల‌కు ఆయ‌న స‌మాధానాలు చెప్పారు. ఇంత‌కీ అస‌లు శేష్ ఏమ‌న్నారంటే..

ఇండ‌స్ట్రీకి వ‌చ్చి చాలా ఏళ్లు అవుతుంది క‌దా.. పైగా అనేక చిత్రాలు హిట్ అయ్యాయి.. ఇంత‌కు మించిన స‌క్సెస్ ఏముంటుంది.. ఇక పెళ్లి గురించి ఆలోచించ‌రా.. అని కొంద‌రు జ‌ర్న‌లిస్టులు శేష్‌ను ఇంట‌ర్వ్యూ స‌మ‌యంలో అడిగారు. అయితే అందుకు శేష్ స‌మాధాన‌మిస్తూ.. తాను అమెరికాలో ఉన్న‌ప్పుడు ఒక అమ్మాయిని ప్రేమించాన‌ని తెలియ‌జేశాడు. అయితే త‌న పుట్టిన రోజున ఆ అమ్మాయి పెళ్లి అయింద‌ని.. దాని ఎఫెక్ట్ త‌న‌పై బాగా ప‌డింద‌ని.. ఈ క్ర‌మంలోనే పెళ్లిపై దృష్టి సారించ‌లేక‌పోతున్నాన‌ని చెప్పాడు. అంటే శేష్ ది ల‌వ్ ఫెయిల్యూర్ స్టోరీ అని ఇట్టే తెలిసిపోతుంది. ఇక శేష్ త్వ‌ర‌లో హిట్ 2 మూవీతో మ‌ళ్లీ ప్రేక్ష‌కుల‌ను ప‌లక‌రించ‌నున్నాడు. అలాగే అప్పట్లో సంచ‌ల‌న విజ‌యం సాధించిన గూఢ‌చారి మూవీకి సీక్వెల్‌లోనూ ఈయ‌న న‌టిస్తున్నారు.