Papaya : బొప్పాయి పండ్లు మ‌న‌కు మార్కెట్‌లో ఏ సీజ‌న్‌లో అయినా ల‌భిస్తాయి. వీటి రుచి తీపి, పులుపు క‌ల‌బోత‌గా ఉంటుంది. కొన్ని సార్లు బాగా పండిన బొప్పాయి పండ్లు చాలా తియ్య‌గా ఉంటాయి. అయితే వీటిని ఎవ‌రైనా తిన‌వ‌చ్చు. బొప్పాయి పండ్ల‌ను తిన‌డం వ‌ల్ల మ‌న‌కు ఎలాంటి లాభాలు కలుగుతాయో ఇప్పుడు తెలుసుకుందాం.
1. లివ‌ర్ స‌మ‌స్య‌లతో బాధ‌ప‌డేవారు త‌ర‌చూ బొప్పాయి పండ్ల‌ను తిన‌డం వ‌ల్ల ఫ‌లితం ఉంటుంది. లివ‌ర్‌లో ఉండే చెడు, విష పదార్థాలు బ‌య‌ట‌కుపోయి లివ‌ర్ శుభ్రంగా మారుతుంది.
2. మ‌ల‌బ‌ద్ద‌క స‌మ‌స్య ఉన్నవారు బొప్పాయి పండ్ల‌ను తింటుంటే ఫ‌లితం ఉంటుంది.
3. బొప్పాయి పండ్ల‌లో ఉండే విటమిన్ ఎ కంటి చూపును మెరుగు ప‌రుస్తుంది. అలాగే వీటిలో ఉండే విటమిన్ సి మ‌న శ‌రీర రోగ నిరోధ‌క శ‌క్తిని పెంచుతుంది.
4. బొప్పాయి పండ్ల‌లో విటమిన్ బి1, బి2, నియాసిన్ అధికంగా ఉంటాయి. అందువ‌ల్ల నీర‌సం అధికంగా ఉండేవారు ఈ పండ్ల‌ను తింటే త్వ‌ర‌గా కోలుకుంటారు.
5. మూత్ర స‌మ‌స్య‌లు ఉన్నవారు రోజూ బొప్పాయి పండ్ల‌ను తింటే మూత్రాశ‌యం శుద్ధి అవుతుంది. మూత్రం ధారాళంగా వ‌స్తుంది.
