Broad Beans : మ‌న‌కు అందుబాటులో ఉన్న అనేక ర‌కాల కూర‌గాయ‌ల్లో చిక్కుడు కాయ‌లు కూడా ఒక‌టి. గ్రామీణ ప్రాంతాల్లో లావుపాటి గింజ‌లు ఉండే చిక్కుళ్లు ల‌భిస్తాయి. ఇవి ఎంతో రుచిగా ఉంటాయి. ఇత‌ర ప్రాంతాల్లోనూ ప‌లు ర‌కాల వెరైటీల‌కు చెందిన చిక్కుడు కాయ‌లు ల‌భిస్తాయి. అయితే వేటిని తిన్నా స‌రే మ‌న‌కు చిక్కుడు కాయ‌ల వ‌ల్ల అనేక లాభాలు క‌లుగుతాయి. వీటిని తింటే ఎలాంటి ప్ర‌యోజ‌నాలు క‌లుగుతాయో ఇప్పుడు తెలుసుకుందాం.
చిక్కుడు కాయ‌ల్లో మన శ‌రీరానికి అవ‌స‌ర‌మయ్యే అతి ముఖ్య‌మైన పోష‌కాలు స‌మృద్ధిగా ఉంటాయి. ముఖ్యంగా ఫైబర్, ప్రోటీన్లు, ఫోలేట్, విట‌మిన్ కె, విట‌మిన్ బి6, సి, ఐరన్, మాంగ‌నీస్‌, కాప‌ర్‌, పొటాషియం అధికంగా ఉంటాయి. ఇవ‌న్నీ మ‌న‌ల్ని ఆరోగ్యంగా ఉంచుతాయి. వ్యాధులు రాకుండా చూస్తాయి. పోష‌కాహార లోపం ఏర్ప‌డ‌నీయ‌వు. ఈ కాయ‌ల్లో ఫైబర్ అధికంగా ఉంటుంది. ఇది కొలెస్ట్రాల్ లెవ‌ల్స్‌ను త‌గ్గిస్తుంది. గుండె ఆరోగ్యానికి మేలు చేస్తుంది. అలాగే ఈ కాయ‌ల్లో ఉండే ఫోలేట్, విట‌మిన్ బి6 గుండెను ఆరోగ్యంగా ఉంచుతాయి. ఇవి హార్ట్ ఎటాక్‌లు రాకుండా చూస్తాయి.
Broad Beans
చిక్కుడు కాయ‌ల‌ను త‌ర‌చూ ఆహారంలో భాగం చేసుకోవడం వ‌ల్ల షుగర్ లెవ‌ల్స్ త‌గ్గుతాయి. ఈ కాయ‌ల్లో ఉండే ఫైబర్ షుగ‌ర్‌ను త‌గ్గిస్తుంది. దీంతో డ‌యాబెటిస్ అదుపులోకి వ‌స్తుంది. ఇది షుగర్ ఉన్న‌వారికి ఎంత‌గానో మేలు చేసే విష‌యం. చిక్కుడు కాయ‌ల్లో క్యాల‌రీలు త‌క్కువ‌గా, ఫైబర్ అధికంగా ఉంటాయి. అందువ‌ల్ల బ‌రువు త‌గ్గాల‌నుకునే వారికి ఇవి బెస్ట్ ఆప్ష‌న్ అని చెప్ప‌వ‌చ్చు. ఎందుకంటే వీటిని తక్కువ తిన్నా చాలు.. క‌డుపు నిండిపోతుంది. దీంతో ఆహారం త‌క్కువ‌గా తీసుకుంటారు. ఇది బ‌రువు త‌గ్గేందుకు మేలు చేస్తుంది. ఇక ఈ కాయ‌ల్లో ఉండే ఫైబర్ జీర్ణ వ్య‌వ‌స్థ ప‌నితీరును మెరుగు పరుస్తుంది. దీంతో మ‌ల‌బ‌ద్ద‌కం త‌గ్గుతుంది. జీర్ణాశ‌యం ఆరోగ్యంగా ఉంటుంది.
చిక్కుడు కాయ‌ల్లో యాంటీ ఆక్సిడెంట్ గుణాలు ఉంటాయి. అందువ‌ల్ల ఆక్సీక‌ర‌ణ ఒత్తిడి నుంచి మ‌న‌ల్ని ర‌క్షిస్తాయి. ముఖ్యంగా గుండె జ‌బ్బులు, క్యాన్స‌ర్లు రాకుండా చూస్తాయి. ఈ కాయ‌ల్లో మాంగ‌నీస్‌, కాప‌ర్‌, ఐరన్ అధికంగా ఉంటాయి. ఇవి ఎముక‌ల‌ను ఆరోగ్యంగా ఉంచుతాయి. అలాగే ఈ కాయ‌ల్లో అధికంగా ఉండే విట‌మిన్ కె శ‌రీరం కాల్షియంను అధికంగా శోషించుకునేలా చేస్తుంది. దీంతో ఎముక‌లు గట్టిప‌డ‌తాయి. ఈ కాయ‌ల్లో కార్బొహైడ్రేట్లు, ప్రోటీన్లు అధికంగా ఉంటాయి. అందువ‌ల్ల వీటిని తింటే మ‌న‌కు శ‌క్తి ల‌భిస్తుంది. కండ‌రాల పెరుగుద‌ల స‌రిగ్గా ఉంటుంది. ఇలా చిక్కుడు కాయ‌ల‌తో మ‌నం అనేక ప్ర‌యోజనాల‌ను పొంద‌వ‌చ్చు. క‌నుక వీటిని రోజువారీ ఆహారంలో భాగం చేసుకోవాలి.
మన శరీరంలో ఊపిరితిత్తులు ఎంత ముఖ్య‌మైన‌వో ప్ర‌త్యేకంగా చెప్ప‌న‌క్క‌ర్లేదు. ఊపిరితిత్తులు దెబ్బతింటే శ్వాస తీసుకోవడం చాలా కష్టమవడంతోపాటు అతి తక్కువ…
ఇటీవలి కాలంలో వీధికుక్కల బెడద మ‌రింత ఎక్కువైంది. పిల్లల నుంచి పెద్దల వరకు అందరూ రోడ్డుపై స్వేచ్ఛగా తిరిగేందుకు చాలా…
సాహో చిత్రంలో ప్ర‌భాస్ స‌ర‌స‌న కథానాయిక‌గా న‌టించి అల‌రించిన శ్ర‌ద్ధా క‌పూర్ రీసెంట్‌గా స్త్రీ2 అనే మూవీతో ప‌ల‌క‌రించింది. 2018లో…
ప్రముఖ కొరియోగ్రాఫర్ జానీ మాస్టర్ పెద్ద చిక్కుల్లో ప‌డ్డాడు. జానీ మాస్టర్ తనను లైంగికంగా వేధించాడని రాయదుర్గం పోలీసులకు మ‌హిళా…
ఏపీ డిప్యూటీ సీఎం ప‌వ‌న్ క‌ళ్యాన్ ఇటు రాజ‌కీయాలు, అటు సినిమాలు రెండింటిని బ్యాలెన్స్ చేస్తూ ముందుకు సాగుతున్నారు. అయితే…
హారర్ సినిమా ప్రేమికుల్లో 'డీమాంటీ కాలనీ' సినిమాకు సపరేట్ ఫ్యాన్ బేస్ ఉన్న విష‌యం తెలిసిందే. తమిళ సినిమాయే అయినప్పటికీ...…
ఒక్కోసారి ఎవ‌రిని ఎప్పుడు అదృష్టం ఎలా వ‌రిస్తుందో తెలియ‌దు. ఊహించ‌ని విధంగా ల‌క్షాధికారి అవుతుంటారు. తుగ్గలి మండలం సూర్యతాండాలో రైతుకూలీకి…
ఈ రోజుల్లో బంధాలు ఎక్కువ కాలం కొన‌సాగ‌డం లేదు. ల‌క్ష‌లు ఖ‌ర్చు పెట్టి ఎంతో అట్టహాసంగా పెళ్లి చేసుకుంటుండ‌గా,ఆ పెళ్లి…