ప్ర‌తి ఏడాదిలాగే ఈ సారి కూడా ఎండలు మండుతున్నాయి. ఇంకా మే నెల కూడా రాలేదు. అప్పుడే ఎండలు దంచి కొడుతున్నాయి. ఇక రెండు తెలుగు రాష్ట్రాల‌లో మ‌రో ఐదారు రోజుల పాటు తీవ్ర‌మైన వ‌డ‌గాలుల ప్ర‌భావం ఉంటుంద‌ని ఇప్ప‌టికే వాతావ‌ర‌ణ శాఖ హెచ్చ‌రించింది. ఈ క్ర‌మంలో ప్ర‌తి ఒక్క‌రూ ఎండ‌ల నుంచి ర‌క్ష‌ణ‌గా ఉండాలి. త‌ప్ప‌కుండా జాగ్ర‌త్త‌లు పాటించాలి. అయితే బ‌య‌ట‌కు వెళ్లిన‌ప్పుడు ఓకే. కానీ ఇండ్ల‌లో చ‌ల్ల‌గా ఉండేందుకు ఏం చేయాలి ? అన్న వివ‌రాల‌ను ఇప్పుడు తెలుసుకుందాం.
1. మార్కెట్‌లో మ‌నకు కూల్ సున్నం దొరుకుతుంది. దాన్ని ఇంటి పైక‌ప్పు మీద రెండు కోటింగ్స్ వేయాలి. ఒక‌సారి కోటింగ్ వేశాక బాగా ఆర‌నిచ్చి ఒక రోజు త‌రువాత రెండో కోటింగ్ వేయాలి. దీంతో ఆ కోటింగ్ పై ప‌డే సూర్య కిర‌ణాల వేడి ఇంట్లోకి ప్ర‌వేశించ‌దు. దీని వ‌ల్ల ఇంట్లో చ‌ల్ల‌గా ఉంటుంది.
2. సూర్యుడు అస్త‌మించిన త‌రువాత ఇంటి తలుపులు, కిటికీలను కాసేపు తీసి ఉంచాలి. దీంతో ఇంట్లో చ‌ల్ల‌గా అవుతుంది.
3. కిచెన్‌లో వంట చేస్తే స‌హ‌జంగానే ఈ వేడి అంతా ఇంట్లో వ్యాప్తి చెందుతుంది. అందువ‌ల్ల వంట‌ను వీలైనంత త్వ‌ర‌గా ముగించేయండి. కిచెన్ రూమ్‌కు వీలైతే ఎగ్జాస్ట్ ఫ్యాన్ పెట్టుకోండి. వంట చేశాక దాన్ని కొంత సేపు ఆన్ చేయాలి. దీంతో వేడి బ‌య‌ట‌కు పోతుంది. ఇంట్లో కొంత మేర చ‌ల్ల‌గా అవుతుంది.
4. చాలా మంది ఫ్రిజ్‌ల‌ను హాల్ లేదా బెడ్‌రూమ్‌ల‌లో పెడ‌తారు. అలా చేయ‌రాదు. కిచెన్‌లోనే ఫ్రిజ్‌ల‌ను ఉంచాలి. ఫ్రిజ్ వ‌ల్ల అది ఉన్న ప్ర‌దేశం వేడిగా ఉంటుంది. అందువ‌ల్ల దాన్ని కిచెన్‌లోనే ఉంచాలి. ఇలా చేయ‌డం వ‌ల్ల కూడా వేడి తగ్గుతుంది.
5. సూర్యుడు అస్త‌మించిన అనంత‌రం ఇంట్లో నేల‌ను నీటితో తుడ‌వాలి. వీలైతే క‌డ‌గ‌వ‌చ్చు. దీంతో ఇంట్లో కొంత వ‌ర‌కు చ‌ల్ల‌గా మారుతుంది.
6. ఇంట్లో ఇండోర్ మొక్క‌ల‌ను పెంచ‌డం వ‌ల్ల కూడా వేడి తగ్గుతుంది.
7. సాయంత్రం స‌మ‌యంలో ఇంట్లో, బ‌య‌ట పెర‌ట్లో ఉన్న మొక్క‌ల‌కు నీళ్లు పోయాలి.
8. మధ్యాహ్నం స‌మ‌యంలో గోనె సంచుల‌ను బాగా నీటితో త‌డ‌పాలి. అనంత‌రం వాటిని కిటికీలు లేదా త‌లుపుల‌కు క‌ట్టాలి.
9. మార్కెట్‌లో స‌న్ ప్రొటెక్ష‌న్ షీట్స్ ల‌భిస్తున్నాయి. వాటిని కూడా కిటికీలు, త‌లుపుల‌కు క‌ట్ట‌వ‌చ్చు. లేదా వ‌రండాలో వేలాడదీయవచ్చు.
10. ఇంట్లో ఉండే ఎల‌క్ట్రానిక్‌, ఎల‌క్ట్రిక‌ల్ ఉప‌క‌ర‌ణాల వ‌ల్ల వేడి ఉద్భ‌విస్తుంది. క‌నుక వాటిని అవ‌స‌రం ఉన్న‌ప్పుడు మాత్ర‌మే వాడండి.
11. మార్కెట్‌లో వెదురు చాప‌లు అందుబాటులో ఉన్నాయి. వాటిని వ‌రండాల్లో వేలాడదీయవచ్చు. వీటి వ‌ల్ల ఇంట్లో చ‌ల్ల‌గా ఉంటుంది.
12. వేస‌విలో కాట‌న్ దుస్తుల‌నే ధ‌రించేలా ప్లాన్ చేసుకోండి. రాత్రి నిద్రించే ముందు చ‌ల్ల‌ని నీటితో స్నానం చేయండి. చ‌ల్ల‌ని పానీయాల‌ను ఎక్కువ‌గా తీసుకోవాలి. ఇక ప‌రుపు వేడిగా ఉంటుంది. క‌నుక నేల‌పై లేదా నేరుగా చెక్క‌తో త‌యారు చేసిన మంచం, ఇత‌ర మంచాల‌పై ప‌డుకునే య‌త్నం చేయాలి. దీని వ‌ల్ల చ‌ల్ల‌ద‌నం ల‌భిస్తుంది.
హారర్ సినిమా ప్రేమికుల్లో 'డీమాంటీ కాలనీ' సినిమాకు సపరేట్ ఫ్యాన్ బేస్ ఉన్న విష‌యం తెలిసిందే. తమిళ సినిమాయే అయినప్పటికీ...…
ఒక్కోసారి ఎవ‌రిని ఎప్పుడు అదృష్టం ఎలా వ‌రిస్తుందో తెలియ‌దు. ఊహించ‌ని విధంగా ల‌క్షాధికారి అవుతుంటారు. తుగ్గలి మండలం సూర్యతాండాలో రైతుకూలీకి…
ఈ రోజుల్లో బంధాలు ఎక్కువ కాలం కొన‌సాగ‌డం లేదు. ల‌క్ష‌లు ఖ‌ర్చు పెట్టి ఎంతో అట్టహాసంగా పెళ్లి చేసుకుంటుండ‌గా,ఆ పెళ్లి…
ఒక‌టి కాదు రెండు కాదు, మూడు కాదు ఏకంగా ముప్పై కోట్ల జీతం. చేయాల్సిన ప‌ని ఏమి లేదు. స్విచ్…
దేశంలో వాహనాల వినియోగం ఎంత‌గా పెరుగుతుందో మ‌నం చూస్తూ ఉన్నాం. భారతదేశంలో రోజు రోజుకి వాహనాల సంఖ్య పెరుగుతూ పోతుండ‌డంతో…
రిస్క్ చేయ‌కుండా మంచి ప్రాఫిట్ పొందాల‌ని అనుకునేవారు ఎక్కువ‌గా పోస్టాఫీస్‌పై ఆధార‌ప‌డుతుండ‌డం మ‌నం చూస్తూ ఉన్నాం. ప్రస్తుతం పోస్టాఫీసులో మంచి…
Devara Ticket Prices : యంగ్ టైగ‌ర్ ఎన్టీఆర్ ఆర్ఆర్ఆర్ చిత్రం త‌ర్వాత న‌టించిన చిత్రం దేవ‌ర. కొర‌టాల శివ…
నందమూరి నట వారసుడుగా ఇండస్ట్రీలో అడుగుపెట్టినా తనదైన గుర్తింపు తెచ్చుకొని అశేష ప్రేక్ష‌కాద‌ర‌ణ సంపాదించుకున్నారు జూనియ‌ర్ ఎన్టీఆర్ . ఆయన…