Athidhi Movie : సూపర్ స్టార్ మహేష్ బాబు నటించిన అతిథి మూవీ 2007 అక్టోబర్ 18న విడుదలై ఫ్యాన్స్ ని నిరాశ పరిచింది. ఇక ఆడియన్స్ కి కూడా నచ్చక పోవడంతో ఫ్లాప్ అయింది. అయితే ఇప్పుడు చూస్తే మాత్రం బాగానే ఉందిగా అనిపిస్తుంది. దీనికి అనేక కారణాలున్నాయి. సురేందర్ రెడ్డి డైరెక్షన్ లో స్టైలిష్ గా తీసిన అతిథి మూవీ భారీ అంచనాల నడుమ రిలీజై డిజాస్టర్ గా నిలిచింది. సూపర్ స్టార్ హోదా వచ్చాక ఒప్పుకున్న మూవీ కావడం, బాలీవుడ్ న‌టి అమృతారావు హీరోయిన్ కావడం, బాలీవుడ్ ప్రొడక్షన్స్ యూటీవీ భాగస్వామ్యం కావడం.. ఇలా వివిధ కారణాలతో ఈ మూవీపై భారీ హైప్ క్రియేట్ అయింది.
దాదాపు రూ.20 కోట్ల బడ్జెట్ తో రూపొందిన ఈ మూవీ వరల్డ్ వైడ్ గా 712 థియేటర్లలో విజయదశమి శుభాకాంక్షలతో రిలీజైంది. అయితే ఈ మూవీ ఫ్యాన్స్ అంచనాలను రీచ్ కాలేదు. మొదటి భాగం సూపర్ గా ఉంటుంది. మహేష్ ఎంట్రీ, సిగరెట్ షేరింగ్ ఫైట్ అన్నీ అదిరిపోయాయి. సెకండాఫ్ లో హీరోయిన్ ని బైక్ మీద వెళ్లి సేవ్ చేయడం వంటి సీన్లు బాగుంటాయి. సత్యం ఏమిటో సాంగ్ చిత్రీకరణ అదిరింది. మహేష్ హెయిర్ స్టైల్ అప్పట్లో అలరించింది. సురేందర్ రెడ్డి టేకింగ్, మణిశర్మ సంగీతం అన్నీ సూపర్బ్‌. తొలివారం రికార్డ్ ఓపెనింగ్స్ సాధించిన ఈ మూవీ చివరకు డిజాస్టర్ అయింది. రిచ్ గా తీసిన ఈ మూవీ 3 గంటలపాటు సాగడం మైనస్ అయింది. మొదటి భాగం బాగున్నా.. సెకండాఫ్ బోర్ కొట్టేలా చేసింది.
హీరోయిన్ ని సేవ్ చేయడం ప్రధాన ఇతివృత్తం. కానీ మధ్యలో కొన్ని అనవసరమైన సన్నివేశాలు పెట్టారు. ఐటెం సాంగ్ కూడా తీసెసి 2 గంటల 20 నిమిషాలకు కుదించవచ్చు. క్లైమాక్స్ లో చిన్నపాప చనిపోవడం, హెవీ వయొలెన్స్ మనకు జీర్ణం కాని అంశం. దాంతో మూవీ చూసి బయటకు వచ్చాక ఫీల్ గుడ్ అనిపించదు. ఇక కామెడీ మిస్ అయింది. స్కోప్ ఉన్నా కామెడీ పండించే సీన్స్ లేవు. సాంగ్స్ పెద్దగా ఆకట్టుకోలేదు. హీరోయిన్ కూడా మైనస్ అయింది. పోకిరి వచ్చి ఏడాదిన్నర అయినా సరే.. అదే మూడ్ లో ఫ్యాన్స్ ఉన్నారు. తీరా అతిథిలో అలాంటి ఎంటర్ టైన్మెంట్ మిస్సయింది. దీంతో మూవీ డిజాస్టర్ అయింది. అయితే క్లైమాక్స్‌ను ఇంకాస్త మార్చి ఉంటే బాగుండేది. అప్పుడు మహేష్ ఖాతాలో ఇంకో హిట్ ప‌డి ఉండేది.
