David Warner Pushpa : డేవిడ్ వార్నర్.. ఐపీఎల్‌తో తెలుగు ప్రేక్ష‌కుల‌కి చాలా ద‌గ్గ‌ర‌య్యాడు. మ‌రోవైపు సోష‌ల్ మీడియాలో తెలుగు సినిమాల‌కు సంబంధించిన పాట‌ల‌కు డ్యాన్స్ లు చేస్తూ ఆక‌ట్టుకుంటున్నాడు. కరోనా వేళ క్రికెట్‌ ఆడలేకపోయిన వార్నర్ తన భార్యతో కలిసి చేసిన టిక్‌టాక్‌ వీడియోలతో భలేగా ఫేమస్ అయిపోయాడు. అల్లు అర్జున్‌ ‘అల వైకుంఠపురంలో క్యాండీ వార్నర్‌తో కలిసి ‘బుట్టబొమ్మ’.. మహేశ్‌బాబు ‘సరిలేరు నీకెవ్వరూ’లో మైండ్‌ బ్లాక్‌ పాటలతోపాటు ప‌లు సాంగ్స్‌కి డ్యాన్స్‌లు చేసి ఫేమస్ అయ్యాడు.
రీసెంట్‌గా పునీత్ రాజ్ కుమార్‌కి సంబంధించి కూడా ఓ వీడియో చేసి క‌న్న‌డిగుల అభిమానం చూర‌గొన్నాడు. తాజాగా బ‌న్నీ లేటెస్ట్ మూవీ పుష్ప ది రైజ్‌ సినిమాలో ‘ఏయ్ బిడ్డా ఇది నా అడ్డా..’ సాంగ్‌లో ఫేస్ మార్ఫ్ చేసి ఆ వీడియోను తన సోష‌ల్ మీడియా అకౌంట్‌లో పోస్ట్ చేశాడు. ఆ వీడియో ప్ర‌స్తుతం నెట్టింట తెగ వైర‌ల్ అవుతోంది. ఎంత‌లా వైర‌ల్ అవుతుందంటే ఆ వీడియోను ఏకంగా 2 మిలియ‌న్ల మంది వీక్షించారు.
వార్నర్ వీడియోపై విరాట్‌ కోహ్లీ .. ‘నువ్వు ఓకే నా!’ అని కామెంట్ చేయగా.. ‘కాస్త గొంతు పట్టేసినట్టుంది..’ అని వార్నర్ సరదాగా సమాధానం ఇచ్చాడు. దీనిని చూసిన అల్లుఅర్జున్‌ ‘‘ మై బ్రదర్‌ వార్నర్.. తగ్గేదేలే’’ అని కామెంట్ చేశాడు. ప్ర‌స్తుతం ఈ కామెంట్స్ వైర‌ల్‌గా మారాయి.
https://www.instagram.com/p/CXVv7sbJU1X/?utm_source=ig_embed&ig_rid=d6429d75-640f-4ca4-a80a-d4ae462c9f1e
ఇక ఇదిలా ఉండగా వార్నర్ ప్ర‌స్తుతం యాసెస్ సిరీస్‌లో భాగంగా ఇంగ్లండ్‌తో ఆడుతున్నాడు. తొలి టెస్టులో చెలరేగి కొద్దిలో సెంచరీ మిస్ చేసుకున్న ఆసీస్ ఓపెనర్ డేవిడ్ వార్నర్.. రెండో టెస్ట్‌కి సిద్ధం అవుతున్నాడు.
