Bigg Boss 5 : బుల్లితెర బిగ్ రియాలిటీ షో బిగ్ బాస్ సీజ‌న్ 5 కార్యక్ర‌మం చివ‌రి ద‌శ‌కు చేరుకుంది. మ‌రో రెండు రోజుల‌లో ఫినాలే జ‌ర‌గ‌నుండ‌గా బిగ్ బాస్ లో ఉన్న టాప్ 5 కంటెస్టెంట్స్ జాత‌కాలు చెప్పించారు. ముందుగా ష‌ణ్ముఖ్ గురించి చెబుతూ.. మీ జీవితంలో మంచి మార్పు ఉండబోతోంది. మీ ప్రేమ జీవితం బాగుండబోతోంది. కొంగొత్త అవకాశాలతో కావాల్సినంత సంపాదించబోతారు.. అని చెప్పింది.
స‌న్నీ గురించి చెబుతూ.. బయటకు వ‌చ్చాక కొత్త ప్రయాణం మొద‌లుపెడ‌తారు. త్వరలో స్వ‌ప్ప సుంద‌రి ప్రేమ‌లో ప‌డ‌తార‌ని స్ప‌ష్టం చేసింది. ఇక సిరి గురించి చెప్తూ.. త్వరలో పెళ్లిబాజాలు మోగనున్నాయని శుభం పలికింది. శ్రీరామచంద్రకు గెలుపు కార్డు వచ్చిందన్న ఆమె అతడు లోలోపల చాలా కన్‌ఫ్యూజ్‌ అవుతున్నాడంది.
బిగ్బాస్ షో తర్వాత అతడికి ఎన్నో అవకాశాలు రాబోతున్నాయని పేర్కొంది. మానస్‌కు బిగ్బాస్ జర్నీ తర్వాత అన్నీ సాధించానన్న తృప్తి మిగులుతుందని తెలిపింది. బిగ్బాస్ తర్వాత సిరి పెళ్లి చేసుకోవడంతోపాటు ఫారిన్‌కు హనీమూన్‌కు కూడా వెళ్తుందని చెప్పుకొచ్చింది.
ఇక హౌజ్ లో జంట పాములు మాదిరిగా ఉన్న సిరి, ష‌ణ్ముఖ్‌లు ఎప్పుడు హ‌గ్ లు చేసుకుంటారో ఎప్పుడు గొడ‌వ‌లు ప‌డ‌తారో చెప్ప‌డం క‌ష్టంగా మారింది. తాజాగా ఆ ఇద్ద‌రూ మ‌రోసారి గొడ‌వ‌ప‌డ్డారు. ఇద్దరి కోసం కాకుండా అందరికీ ఎందుకు వంట చేస్తావని మండిపడ్డాడు షణ్ను. నువ్వు పొద్దున చేసిన దోశెలు వాళ్లు తినలేదని, అలాంటప్పుడు మళ్లీ ఎందుకు వండతావని ఫైర్‌ అయ్యాడు.
దీంతో రెచ్చిపోయిన సిరి.. నేను కష్టపడి వండితే ఎందుకు తినలేదని మానస్‌ను నిలదీసింది. మానస్‌ మాత్రం తాను తిన్నానని చెప్పాడు. సన్నీకి రైస్‌ తినాలనిపిస్తే పులిహోర చేసుకుని తిన్నాడని బదులిచ్చాడు. అయినప్పటికీ వినిపించుకోని సిరి, షణ్ను మా వంట మేము చేసుకుంటామని తేల్చేశారు.
బిగ్బాస్ ఇంటిసభ్యులందరినీ సూట్‌కేసులు ప్యాక్‌ చేసుకోమని చెప్పాడు. ఈ మాట విని అవాక్కైన హౌస్‌మేట్స్‌ అయిష్టంగానే బ్యాగులు సర్దుకున్నారు. మీలో ఒకరి ప్రయాణం ఈ క్షణమే ముగుస్తుందంటూ షాక్‌ ఇచ్చిన బిగ్బాస్ ఎవరు ఎలిమినేట్‌ అవ్వాలనే దానిపై మీ అభిప్రాయం చెప్పాలని కంటెస్టెంట్లను ఆదేశించాడు. అనూహ్యంగా సిరి ఇంటి నుంచి వెళ్తుందని ప్రకటించడంతో ఆమె, షణ్ను ఏడ్చేశారు.
సిరిని కన్ఫెషన్‌ రూమ్‌లో కూర్చోబెట్టి షణ్ను ఏడుస్తున్న వీడియో చూపించాడు బిగ్బాస్. షణ్ను కంటతడి పెట్టుకోవడాన్ని చూసి సిరి హృదయం ముక్కలైంది. గేటు నుంచి బయటకు వెళ్లగొట్టిన కాసేపటికే తిరిగి ఆమెను హౌస్‌లోకి పంపించారు. దీంతో సిరి ఆనందంతో వెళ్లి షణ్నును హత్తుకుని ముద్దులు పెట్టింది.
