నిరుద్యోగ అభ్యర్థులకు కొంకణ్ రైల్వే కార్పొరేషన్ లిమిటెడ్ శుభవార్తను తెలియజేసింది. తాజాగా ఈ కార్పొరేషన్లో టెక్నికల్వి భాగంలో ఖాళీగా ఉన్న పోస్టులను భర్తీ చేస్తూ నోటిఫికేషన్ విడుదల చేస్తుంది. ఈ ఉద్యోగాలు చేయడానికి ఆసక్తి అర్హత కలిగిన అభ్యర్థులు ఎలాంటి పరీక్ష లేకుండా నేరుగా ఇంటర్వ్యూలకు హాజరు కావాలని నోటిఫికేషన్లో స్పష్టంగా తెలియజేశారు.
ఈ క్రమంలోనే ఆసక్తి కలిగిన అభ్యర్థులు కొంకణ్ రైల్వేకు చెందిన అధికారిక వెబ్ సైట్ konkanrailway.com నుంచి అప్లికేషన్ డౌన్లోడ్ చేసుకుని ఈ ఉద్యోగానికి దరఖాస్తు చేసుకోవాలి. ఈ క్రమంలోనే ఈ అప్లికేషన్ తోపాటు అభ్యర్థుల వయస్సు, విద్యార్హత, కుల దృవీకరణ పత్రాలను ఇంటర్వ్యూకు హాజరు అయ్యే సమయంలో తీసుకురావాలి. సీనియర్ అసిస్టెంట్ టెక్నికల్ విభాగానికి దరఖాస్తు చేసుకునే అభ్యర్థులు తప్పనిసరిగా బీఈ/బీటెక్ కోర్సులను, సివిల్ ఇంజనీరింగ్ విభాగంలో 60 శాతం మార్కులు సాధించి రెండు సంవత్సరాల అనుభవం తప్పనిసరిగా ఉండాలి.
జూనియర్ అసిస్టెంట్ టెక్నికల్ విభాగానికి దరఖాస్తు చేసుకునే అభ్యర్థులు బీఈ/బీటెక్ కోర్సులలో 60 శాతం మార్కులతో ఉత్తీర్ణత సాధించి ఉండాలి. ఈ ఉద్యోగానికి దరఖాస్తు చేసుకునే అభ్యర్థులు USBRL Project Head Office, Konkan Railway Corporation Ltd., Satyam Complex, Marble Market, Extension-Trikuta Nagar, Jammu, Jammu & Kashmir (U.T). PIN 180011. అనే చిరునామాకు ఇంటర్వ్యూకు హాజరు కావాల్సి ఉంటుంది. మరింత సమాచారం కోసం అభ్యర్థులు అధికారిక వెబ్ సైట్ ను సందర్శించవచ్చు.