హిందూ సాంప్రదాయాల ప్రకారం కొబ్బరికాయకు ఎంతో ప్రాధాన్యతను ఇస్తాము. మంచి పనుల కోసం ముందుగా కొబ్బరి కాయను కొట్టి ఆ శుభకార్యాన్ని ప్రారంభిస్తాము. కొబ్బరికాయని శ్రీ ఫలం అని కూడా పిలుస్తారు. శ్రీ అంటే లక్ష్మీదేవి అని అర్థం. కొబ్బరికాయ లక్ష్మీదేవికి ఎంతో ఇష్టమైనదని చెప్పవచ్చు. ఎంతో ఇష్టమైన ఈ కొబ్బరికాయను ఉపయోగించి మన జీవితంలో ఏర్పడిన సమస్యలను తొలగించుకోవచ్చని పండితులు చెబుతున్నారు.
మంగళవారం ఉదయం తలంటు స్నానం చేసి ఒక కొబ్బరికాయను ఎర్రటి వస్త్రంలో చుట్టి హనుమంతుని పాదాల చెంత ఉంచాలి. ఈ విధంగా చేయడం వల్ల మన జీవితంలో ఏర్పడిన సమస్యలు తొలగిపోతాయి. అదేవిధంగా శుక్రవారం అమ్మవారికి ప్రత్యేక పూజలు నిర్వహించాలి. అనంతరం అమ్మవారికి కొబ్బరికాయను కొట్టి ఎర్రని వస్త్రంలో చుట్టినటు కొబ్బరి కాయను తీసుకొని మన ఇంట్లో ఎవరికీ కనపడకుండా దాచి పెట్టాలి.
ఈ విధంగా కొబ్బరికాయ ఎవరికీ కనబడకుండా పెట్టడం వల్ల మన ఇంట్లో ఏర్పడిన ఆర్థిక ఇబ్బందులు తొలగిపోయి ధన లాభం కలుగుతుందని పండితులు చెబుతున్నారు. ఇక శని దోషాలతో బాధపడే వారు సైతం ఆలయానికి వెళ్లి శనీశ్వరుడికి కొబ్బరికాయ కొట్టి ఆ కొబ్బరికాయను అక్కడే ఉన్నటు నీటిలో పడేయడం వల్ల శని దోషాలు తొలగిపోతాయని పండితులు చెబుతున్నారు.
