కదిలే శివలింగం ఉన్న ఆలయం ఎక్కడ ఉందో తెలుసా ?

సాధారణంగా గర్భగుడిలో ప్రతిష్టించిన విగ్రహాలు ప్రతిష్టించిన చోట స్థిరంగా ఉండి భక్తులకు దర్శనం ఇస్తుంటాయి. కానీ ప్రతిష్టించిన విగ్రహాలు కదలడం గురించి మీరు ఎప్పుడైనా విన్నారా. అసలు ప్రతిష్టించిన విగ్రహాలు కదులుతాయని వినడానికి ఆశ్చర్యంగా ఉన్న ఈ ఆలయంలో వెలసిన శివలింగం మాత్రం కదులుతూ భక్తులకు దర్శనమిస్తుంది. మరి కదిలే శివలింగ ఆలయం ఎక్కడ ఉంది, ఆలయ విశిష్టత ఏమిటో ఇక్కడ తెలుసుకుందామా..

ఉత్తర్ ప్రదేశ్ లోని దియోరియా జిల్లా రుద్రపూర్ అనే గ్రామంలో దుగ్దేశ్వర్నాథ్ అనే శివలింగం కొలువై భక్తులను దర్శనమిస్తోంది. ఈ శివలింగం మహాకాళేశ్వర జ్యోతిర్లింగానికి ఉపలింగం అని భావిస్తారు. ఈ ఆలయంలో వెలసిన లింగం కదులుతూ భక్తులకు దర్శనం ఇవ్వడమే ఈ లింగం ప్రత్యేకత. సుమారు 2 వేల సంవత్సరాల క్రితం నిర్మించిన ఈ ఆలయంలో స్వామి వారి శివలింగం ఎప్పుడు కదులుతుంది అనేది ఎవరికీ తెలియదు.

స్వామివారి శివలింగాన్ని మనం చేతులతో ఎంత కదిపినా కదలదు. ఈ లింగం దానంతట అదే కదులుతూ భక్తులకు దర్శనమిస్తూ వుంటుంది.ఈ విధంగా పూజారులు పూజ చేసే సమయంలో స్వామివారి లింగం కదులుతూ కనిపించడంతో ఈ విషయం తెలిసిన భక్తులు పెద్ద ఎత్తున ఆలయానికి చేరుకుని స్వామివారిని దర్శించుకుంటారు. స్వామివారి లింగం కదలవడం వల్ల ఈ ఆలయంలో వెలసిన స్వామివారిని కదిలే శివలింగం అని కూడా పిలుస్తారు.