ప్రస్తుత కాలంలో మనుషులలో మానవతా విలువలు పూర్తిగా నశించి పోతున్నాయి. కన్న కూతురిని గుండెలపై పెట్టుకోవాల్సిన తండ్రి ఆమె పట్ల అమానుషంగా ప్రవర్తించాడు. తన కూతురికి ఏ కష్టం, నష్టం కలగకుండా రక్షించాల్సిన తండ్రే ఆమె పట్ల అత్యంత దారుణంగా ప్రవర్తించాడు. ఈ ఘటన రంగారెడ్డి జిల్లా రాజేంద్రనగర్‌ పరిధిలోని ఓ ప్రాంతంలో చోటు చేసుకుంది. పూర్తి వివరాలలోకి వెళితే..
రాజేంద్ర నగర్‌లో నివాసముంటున్న కుటుంబంలో ఓ వ్యక్తి భార్య చనిపోవడంతో తన కూతురితోపాటు కలిసి జీవిస్తున్నాడు. అయితే తండ్రి కూతురి పట్ల బాధ్యతగా కాకుండా కామవాంఛతో ప్రవర్తించాడు. భార్య చనిపోవడంతో లైంగిక వాంఛలను కూతురిపై తీర్చుకున్నాడు. గత 15 రోజుల నుంచి ఆ తండ్రి తన కూతురిపై లైంగిక దాడి చేస్తున్నప్పటికీ ఈ విషయం బయటకి చెప్పలేక తనలోతానే ఆమె కుమిలిపోయింది.
అయితే తన కూతురి పట్ల తన తండ్రి ప్రవర్తిస్తున్న తీరును తెలుసుకున్న స్థానికులు అతనికి దేహశుద్ధి చేసి పోలీసులకు సమాచారం ఇచ్చారు. ఈ క్రమంలోనే సదరు బాలికను ఆసుపత్రికి తరలించి చికిత్స అందిస్తున్నారు. ఈ ఘటనపై కేసు నమోదు చేసుకున్న పోలీసులు అతనిని అరెస్టు చేశారు.
