హీరో అబ్బాస్ ప్రస్తుతం ఏం చేస్తున్నాడో తెలుసా?

ఒకప్పుడు స్టార్ హీరోగా మంచి గుర్తింపును సంపాదించుకున్న ఎంతో మంది హీరోలు ఆ తర్వాత వారి వ్యక్తిగత కారణాలవల్ల ఇండస్ట్రీకి దూరం అయ్యారు.ఈ క్రమంలోని కొందరు తిరిగి వారి రెండవ ఇన్నింగ్స్ ద్వారా ఇండస్ట్రీలో అడుగు పెట్టి సినిమాలలో నటిస్తూ మంచి గుర్తింపును సంపాదించుకున్నారు. ఈ క్రమంలోనే ఒకప్పటి హీరోగా, విలన్ గా ఎంతో మంచి గుర్తింపును సంపాదించుకున్న అబ్బాస్ ప్రస్తుతం ఇండస్ట్రీకి దూరం అయ్యారు.

పశ్చిమ బెంగాల్లోని హౌరాలో పుట్టిన అబ్బాస్‌ తెలుగు, హిందీ, తమిళ సినిమాల్లో నటించి మంచి గుర్తింపును సంపాదించుకున్న అబ్బాస్ ప్రేమదేశం సినిమా ద్వారా నటుడిగా పరిచయం అయ్యారు. అబ్బాస్ నటన అందంతో ఎంతోమంది అమ్మాయిల కలల రాకుమారుడిగా, లవర్ బాయ్ గా పేరు సంపాదించుకున్నాడు. సినిమా ఇండస్ట్రీలో కొనసాగింది కేవలం కొంత కాలమే అయినా సుమారు 50 చిత్రాలకు పైగా నటించారు.

20 సంవత్సరాల వయస్సులోనే ఇండస్ట్రీలోకి అడుగు పెట్టిన అబ్బాస్ 40 సంవత్సరాలకు ఇండస్ట్రీలో కనుమరుగైపోయారు. అయితే ప్రస్తుతం ఈ స్టార్ హీరో ఎక్కడ ఉన్నాడు ? ఏం చేస్తున్నాడు? అనే విషయాలు చాలా మందికి తెలియదు.అయితే తాజాగా సోషల్ మీడియాలో అబ్బాస్ కు సంబంధించిన కొన్ని ఫోటోలు చక్కర్లు కొట్టాయి. ఈ క్రమంలోనే అబ్బాస్ గత కొంతకాలం నుంచి న్యూజిలాండ్‌లో నివసిస్తూ, అక్కడే మోటివేషనల్ స్పీకర్ గా వ్యవహరిస్తూ అక్కడే సెటిల్ అయినట్టు తెలుస్తోంది.