ఓటీటీలో విడుదల కానున్న సూపర్ మచ్చి?

టాలీవుడ్ ఇండస్ట్రీలో అగ్ర కథానాయికగా కొనసాగుతున్న మెగాస్టార్ చిరంజీవి చిన్నల్లుడు కళ్యాణ్ దేవ్ హీరోగా విజేత సినిమా ద్వారా అరంగ్రేటం చేసిన సంగతి మనకు తెలిసిందే. ఈక్రమంలోనే కళ్యాణ్ దేవ్ హీరోగా పులి వాసు దర్శకత్వంలో రిజ్వాన్‌ ఎంటర్‌టైన్‌మెంట్‌ పతాకం పై తెరకెక్కిన సూపర్ మచ్చి సినిమాలో నటించిన సంగతి మనకు తెలిసిందే. ఈ సినిమాలో కళ్యాణ్ సరసన రియా చక్రవర్తి, రుచితా రామ్‌ కథానాయికలుగా నటించారు.

రొమాంటిక్ కామెడి తరహాలో తెరకెక్కిన ఈ చిత్రం షూటింగ్ పూర్తి చేసుకొని విడుదలకు సిద్ధంగా ఉంది. ఏడాది ఫిబ్రవరిలోనే ఈ సినిమా విడుదల కావాల్సి ఉండగా కరోనా కారణం వల్ల వాయిదా పడుతూ వస్తోంది. ఇప్పటికే ఈ సినిమా నుంచి విడుదలైన పోస్టర్లు, టీజర్లు ప్రేక్షకులను ఎంతగానో ఆకట్టుకున్నాయి. థియేటర్లోనే ప్రేక్షకుల ముందు విడుదల కావాల్సిన ఈ సినిమాను తాజాగా ఓటీటీలో విడుదల చేయాలనే ఆలోచనలో దర్శక నిర్మాతలు ఉన్నట్లు తెలుస్తోంది.

రొమాంటిక్ కామెడి కథాంశంతో తెరకెక్కిన ఈ సినిమాలో
రాజేంద్ర ప్రసాద్‌, పోసాని కృష్ణమురళి, ప్రగతి తదితరులు నటించారు. ఈ సినిమాకు ఎస్ఎస్ తమన్‌ సంగీత స్వరాలు అందించారు. అయితే ఈ సినిమా ఓటీటీలో విడుదల అవుతుంది అనే సమాచారం వినిపించినప్పటికీ చిత్ర బృందం నుంచి ఎటువంటి అధికారిక ప్రకటన వెలువడలేదు.