బుల్లితెరపై యాంకర్ గా కొనసాగుతున్న సుమ గురించి ప్రత్యేకంగా చెప్పాల్సిన పనిలేదు.ఎన్నో కార్యక్రమాలకు వ్యాఖ్యాతగా వ్యవహరిస్తున్నారు. ఈ క్రమంలోనే ఈటీవీ లో ప్రసారమయ్యే క్యాష్ ప్రోగ్రామ్ అత్యధిక రేటింగ్స్ సంపాదిస్తుందని చెప్పవచ్చు. క్యాష్ ప్రోగ్రామ్ ద్వారా పలువురు సెలబ్రిటీలను ఆహ్వానించి సుమ చేసే సందడి ఎంతగానో ఆకట్టుకుంటుంది.ఈ క్రమంలోనే ఈ వారం ప్రసారం కాబోయే కార్యక్రమానికి సంబంధించిన ప్రోమోను నిర్వాహకులు విడుదల చేశారు.
ఈ ప్రోమోలో భాగంగా ఈవారం బుల్లితెర నటీనటులు జంటగా వచ్చారు. ఈ క్రమంలోనే బుల్లితెరపై ఎన్నో సీరియల్స్ లో నటించి ఎంతోమందిని ఆకట్టుకున్న నటి హరిత – జాకీ దంపతులు, అదేవిధంగా ప్రీతినిగమ్ -నాగేష్ దంపతులు వచ్చారు. ఈ క్రమంలోనే మొదటగా స్టేజిపైకి వచ్చినటువంటి హరిత – జాకీ దంపతులకు సుమ స్వాగతం పలికి వారిద్దరికీ దండలు ఇచ్చి వారిని దండలు మార్చుకోమని చెబుతుంది. ఈ విధంగా ఒకరికొకరు దండలు మార్చుకుంటూ జాకీ కొంత ఎమోషనల్ అయ్యారు.
అదేవిధంగా ప్రీతి నిగమ్ -నాగేష్ దంపతులు కూడా స్టేజ్ పైకి వచ్చారు. ఈ క్రమంలోనే సుమ వీరికి కూడా దండలు ఇచ్చి మార్చుకోమని చెబుతుంది. ఈ క్రమంలోనే ఒకరికొకరు దండలు మార్చుకున్న మీరు సుమా కాళ్లకు మొక్కుతూ ఆశీర్వాదం తీసుకోవడానికి వెళ్లారు. ఆ సమయంలో సుమ పుట్టడం పుట్టడమే నాకన్నా పెద్దగా పుట్టారండి అంటూ వారిని ఆశీర్వదించింది. ఆ తర్వాత ఈ కార్యక్రమంలో సుమ వేసే పంచులకు తమదైన శైలిలో కౌంటర్లు ఇస్తూ ఎంతో సరదాగా ఈ కార్యక్రమం సాగుతుంది. ప్రస్తుతం ఈ కార్యక్రమానికి సంబంధించిన ప్రోమో సోషల్ మీడియాలో వైరల్ గా మారింది.
