కరోనా బాధితుల కోసం అలాంటి నిర్ణయం తీసుకున్న బాలయ్య!

ప్రస్తుతం దేశ వ్యాప్తంగా కరోనా ఏ విధంగా వ్యాపిస్తుందో మనకు తెలిసిందే. ఈ క్రమంలోనే ఎంతోమంది సరైన సమయంలో ఆక్సిజన్ లభించక, ఆస్పత్రిలో బెడ్లు లభించక ఎంతో మంది మరణిస్తున్నారు.ఇలాంటి క్లిష్ట పరిస్థితులలో ఎంతో మంది సెలబ్రిటీలు ముందుకు వచ్చి కరోనా బాధితులకు అండగా నిలుస్తున్నారు. ముఖ్యంగా బాలీవుడ్ నటుడు సోను సూద్ కరోనా బాధితుల కోసం ఎలాంటి సహాయం చేస్తున్నాడో ప్రత్యేకంగా చెప్పాల్సిన పని లేదు.

తాజాగా మెగాస్టార్ చిరంజీవి సైతం కరోనా బాధితుల కోసం రెండు తెలుగు రాష్ట్రాలలో ప్రతి జిల్లాలో ఆక్సిజన్ బ్యాంక్ ఏర్పాటు చేయాలని భావించినట్లు తెలిసిందే.ఈ క్రమంలోనే కరోనా బాధితులకు సహాయం చేయటానికి నందమూరి నటసింహం బాలకృష్ణ కూడా మరో అడుగు ముందుకేశారు.

కరోనా కేసులు అధికమవుతున్న తరుణంలో ఆస్పత్రిలో పడకల సౌకర్యం లభించక బాధితులు ఎన్నో ఇబ్బందులు పడుతున్న క్రమంలో నందమూరి బాలకృష్ణ తన గెస్ట్ హౌస్ ను కరోనా బాధితుల కోసం కేటాయించినట్టు తెలుస్తుంది. ఈ విధంగా పలువురు సెలబ్రిటీలు కరోనా బాధితుల కోసం ఇలా ముందుకు వచ్చి తమ వంతు సాయం చేయటం ఎంతో గర్వించదగ్గ విషయం.