లూసీఫర్ లో భాగం కాబోతున్న నటి.. ఆ విషయంలో కండిషన్ పెట్టిన నయన్ ?

మెగాస్టార్ చిరంజీవి హీరోగా మలయాళ సూపర్ హిట్ సినిమా”లూసిఫర్” తెలుగులో రీమేక్ అవుతున్న సంగతి మనకు తెలిసిందే. మోహన్ రాజా దర్శకత్వంలో శ్రీమతి సురేఖ కొణిదెల సమర్పణలో కొణిదెల ప్రొడక్షన్ కంపెనీ, సూపర్ గుడ్ ఫిలింస్, ఎన్‌వీఆర్ ఫిలింస్ బ్యానర్స్ సంయుక్తంగా నిర్మిస్తున్నారు. ఎస్ ఎస్ తమన్ ఈ సినిమాకు సంగీతం సమకూర్చుతున్నారు.

ప్రస్తుతం చిరంజీవి కొరటాల శివ దర్శకత్వంలో ఆచార్య సినిమాలో నటిస్తున్నారు. ఈ సినిమా పూర్తి కాగానే లూసిఫర్ సెట్స్ పైకి వెళ్లనుంది. అయితే తాజాగా ఈ సినిమాకి సంబంధించిన సమాచారం సోషల్ మీడియాలో చక్కర్లు కొడుతోంది. వర్జినల్ వెర్షన్ లో మంజు వారియర్ పోషించిన పాత్ర కోసం దక్షిణాది స్టార్ హీరోయిన్ గా మంచి గుర్తింపును సంపాదించుకున్న నయనతారను చిత్రబృందం సంప్రదించినట్లు తెలుస్తోంది.

ఈ క్రమంలోనే లూసిఫర్ సినిమాలో నటించడానికి ఒప్పుకున్న నయనతార ఒక కండిషన్ పెట్టినట్లు తెలుస్తోంది. ఆ కండిషన్ కి ఓకే అయితేనే తాను ఈ సినిమాలో నటిస్తానని నయన్ కరాఖండిగా చెప్పినట్టు తెలుస్తోంది. ఇంతకీ ఆమె పెట్టిన కండిషన్ ఏమిటంటే… ఈ సినిమాలో తన పోర్షన్ ను సింగిల్ షెడ్యూల్ లో పూర్తి చేయాలని… అందుకు ఓకే అయితేనే సినిమాల్లో చేస్తాననే కండిషన్ పెట్టడంతో అందుకు చిత్ర బృందం ఓకే చెప్పినట్లు తెలుస్తోంది. అయితే ఈ విషయంపై చిత్రబృందం అధికారికంగా తెలియజేయాల్సి ఉంది.