Allu Arjun : ప్ర‌స్తుతం ఇప్పుడు ఎక్క‌డ చూసినా ఐకాన్ స్టార్ అల్లు అర్జున్ పేరే వినిపిస్తోంది. ఎందుకంటే.. ఆయ‌న న‌టించిన పుష్ప ది రైజ్ చిత్రం మామూలు హిట్ కాలేదు. ఇందులో అల్లు అర్జున్ స్టైల్‌కు సినీ ప్రేక్ష‌కులు ఫిదా అయిపోయారు. ప్రతి ఒక్క‌రూ పుష్ప స్టైల్‌ను అనుక‌రిస్తూ త‌మ స‌ర‌దా తీర్చుకుంటున్నారు. విదేశీయులు సైతం పుష్ప స్టైల్‌కు ఆక‌ర్షితుల‌య్యారు. పుష్ప ఫీవర్ ప్ర‌స్తుతం మామూలుగా లేదు.
అయితే పుష్ప రెండో భాగ‌మైన పుష్ప ది రూల్ షూటింగ్ ఫిబ్ర‌వ‌రిలో ప్రారంభం కానుంది. ఈ నేప‌థ్యంలోనే రెండో పార్ట్‌ను మొద‌టి పార్ట్ క‌న్నా మ‌రింత భిన్నంగా సుకుమార్ తెర‌కెక్కించ‌నున్నారు. దీంతో రెండో పార్ట్ పై మ‌రింత ఆస‌క్తి పెరిగింది. అందులో అల్లు అర్జున్ మ‌రింత‌గా అల‌రిస్తార‌ని తెలుస్తోంది.
అయితే పుష్ప రెండో పార్ట్ మూవీ ప్రారంభం అయితే ఇక వెకేష‌న్‌కు వెళ్లేంత స‌మ‌యం ఉండదు. అందుక‌ని అల్లు అర్జున్ త‌న ఫ్యామిలీతో క‌లిసి దుబాయ్‌కు వెళ్లారు. అక్క‌డ ఔరా స్కై పూల్‌లో ఆయ‌న కుటుంబంతో గ‌డిపారు. అక్క‌డి నుంచి దుబాయ్ స్కై లైన్ వ్యూను వీక్షించారు. అది ఎంతో అద్భుతంగా ఉండ‌డం విశేషం.
View this post on Instagram
దుబాయ్‌లో స్కై లైన్ వ్యూకు సంబంధించిన ఫొటోను అల్లు అర్జున్ షేర్ చేశారు. బిల్డింగ్ అంచున నిల‌బ‌డి దుబాయ్ అందాల‌ను చూస్తుంటే వర్ణించ‌న‌ల‌వి కాకుండా ఉంది. ఇక దుబాయ్‌లో వెకేష‌న్ ముగిసిన వెంట‌నే అల్లు అర్జున్ హైద‌రాబాద్‌కు ప్ర‌యాణ‌మై ఇక్క‌డ‌కు రాగానే పుష్ప రెండో పార్ట్ షూటింగ్ మొద‌లు పెట్ట‌నున్నారు.
