Deepthi Sunaina : సోషల్ మీడియా ద్వారా ఎంతో పాపులారిటీని సంపాదించుకుని తరువాత బిగ్ బాస్లో మెరిసిన దీప్తి సునైన గురించి ప్రత్యేకంగా చెప్పాల్సిన పనిలేదు. ఈమె సోషల్ మీడియాలో ఎల్లప్పుడూ యాక్టివ్గా ఉంటుంది. అయితే ఈమెకు చెందిన వార్త ఒకటి తాజాగా వైరల్ గా మారింది.
ఓ ప్రముఖ సినీ నిర్మాణ సంస్థ తమ సినిమాలో దీప్తి సునైనకు ఓ లీడ్ రోల్ను ఆఫర్ చేసినట్లు వార్తలు వచ్చాయి. దీంతో ఈమె త్వరలోనే వెండి తెరపై సందడి చేయనుందని తెలిసింది. అయితే ఆ వార్తలను ఆమె కొట్టి పారేసింది. అవన్నీ పుకార్లేనని, వాటిని నమ్మొద్దని తేల్చి చెప్పింది.
దీప్తి సునైనకు నిజానికి కుటుంబం నుంచి ఎంతో సపోర్ట్ ఉంది. గతంలో వారు ఆమెను బాగానే ప్రోత్సహించారు. సోషల్ మీడియాలో, సినిమాల్లో చేయమని చెప్పారు. అయితే ఇప్పుడు వారే ఆమె సినిమాల్లో చేస్తానంటే వద్దంటున్నారని తెలుస్తోంది. అందుకనే దీప్తి సునైన తనకు వచ్చిన ఆఫర్లను కాదనుకుంటుందని సమాచారం. మరి ఈమె వెండితెరపై ఎప్పుడు మెరుస్తుందో చూడాలి.