Bigg Boss 5 : బిగ్బాస్ తెలుగు సీజన్ 5 లో ఎవరి అంచనాలకు అందకుండా అనీ మాస్టర్ ఇప్పటి వరకు ఇంట్లో కొనసాగింది. అయితే ఇప్పటి వరకు ఆమె హౌస్ లో ఎలిమినేట్ కాకుండా ఉండడమే చాలా గ్రేట్ అంటున్నారు. కానీ ఎట్టకేలకు ఆమె ఇంటి నుంచి ఎలిమినేట్ అయింది. లీకు వీరుల ద్వారా ఈ సమాచారం అందుతోంది.
మొదట్నుంచీ అనీ మాస్టర్పై పెద్దగా అంచనాలు లేవు. అయినప్పటికీ ఆమె చాలా క్లెవర్గా గేమ్ ఆడుతూ వచ్చి ఇప్పటి వరకు షోలో కొనసాగింది. అయితే ఈ వారాంతం ఆమె ఎలిమినేట్ అయింది. ఆమెకు అందరికన్నా తక్కువ ఓట్లు వచ్చాయని, అందుకనే ఎలిమినేట్ అయిందని తెలుస్తోంది.
అనీ మాస్టర్ ఎలిమినేషన్తో హౌస్లో ప్రస్తుతం కాజల్, మానస్, ప్రియాంక, రవి, షణ్ముఖ్, సిరి, శ్రీరామ చంద్ర, సన్నీ ఉన్నారు. ఇక రానున్న 2 వారాల్లో మరో ఇద్దరు కంటెస్టెంట్లు ఎలిమినేట్ కానున్నారు.
ఇక బిగ్బాస్ తెలుగు సీజన్ 5 ఫినాలేని డిసెంబర్ 19న నిర్వహిస్తారని వార్తలు వస్తున్నాయి. అలాగే ఫినాలేకు చిరంజీవి లేదా మరే ఇతర స్టార్ హీరోనైనా ముఖ్య అతిథిగా తీసుకువస్తారని ప్రచారం జరుగుతోంది. ఈసారి ఇప్పటి వరకు వైల్డ్ కార్డ్ ఎంట్రీని ప్రవేశపెట్టలేదు. ఇక ఫినాలే కూడా వచ్చేసింది. కనుక ఈసారి వైల్డ్ కార్డ్ ఎంట్రీ లేనట్లేనని స్పష్టమవుతోంది.